Home नांदेड विवाहितेचा संशयास्पद मृत्यू झाल्याने खळबळ

विवाहितेचा संशयास्पद मृत्यू झाल्याने खळबळ

January 27, 2025

Nanded Crime News: संशयास्पद मृत्यू झाला असून सासरच्या मंडळींनी ही हत्या केल्याचा आरोप मयत विवाहितेच्या भावाने केला.

नांदेड: विवाहितेचा संशयास्पद मृत्यू झाल्याची घटना शहरातील मालेगाव रोड वरच्या तुळशीराम नगर भागात घडली आहे. मात्र ही हत्या असल्याचा आरोप मयत महिलेच्या आईने केला आहे. तसेच ही हत्या सासरच्या लोकांनी केल्याचा गंभीर आरोपही मृत महिलेच्या आईने केला आहे. प्रियंका अभिजित अन्नपुरे असे मयत विवाहित महिलेचे नाव आहे. दरम्यान या प्रकरणी भाग्यनगर पोलिसांकडे दिलेल्या तक्रारीवरुन सासरच्या चार जणांवर गुन्हा दाखल करण्यात आला आहे.

याबाबत अधिक माहिती अशी की, प्रियंका अन्नपूरे हिला माहेरून सोने आण अशी मागणी करत सासरचे लोक छळ करीत होते. त्यातच काल तिचा संशयास्पद मृत्यू झाला असून सासरच्या मंडळींनी ही हत्या केल्याचा आरोप मयत विवाहितेच्या भावाने केला आहे. या प्रकरणी भाग्यनगर पोलीस स्टेशनमध्ये सासू, सासरे, नणंद आणि पतीविरोधात गुन्हा दाखल करण्यात आला आहे. या प्रकरणी पोलीस अधिक तपास करीत आहेत.

Web Title: suspicious death of a married woman