rahuri: देवळाली प्रवरा येथे एकतर्फी प्रेमातून तरुणीवर गोळीबार

September 15, 2020

राहुरी | Rahuri: राहुरी तालुक्यातील देवळाली प्रवरा येथील भंडारी कॉलनीजवळ एकतर्फी प्रेमातून तरुणीच्या घरात जाऊन गावठी कट्ट्याने गोळ्या झाडून ठार मारण्याचा प्रयत्न केला, ही घटना आज मंगळवारी पहाटे पाच वाजेच्या दरम्यान घडली. या घटनेने देवळाली प्रवरा गावाला हादरा बसला आहे.

तरुणी वाचली त्यानंतर या तरुणाने स्वतः वर गोळ्या झाडून आत्महत्या केल्याचा प्रयत्न केला. यामध्ये आरोपी स्वतः जखमी झाला आहे. विक्रम मूसमांडे असे या तरुणाचे नाव आहे. त्याला लोणी येथील रुगणालयात दाखल करण्यात आले आहे. या घटनेतील आरोपीचा सोबत जोडीदार मात्र फरार झाला आहे. तरुणीचे जबाब घेण्याचे काम सुरु होते. तसेच राहुरीचे पोलीस निरीक्षक मुकुंद देशमुख यांनी घटनास्थळी भेट देऊन तपास सुरु केला आहे. तसेच श्रीरामपूर विभागीय पोलीस अधिकारी राहुल मदने यांनी देखील घटनास्थळी भेट देऊन दाखल घेतली आहे.