अहमदनगर: डंपरच्या धडकेत मोटारसायकलस्वाराचा मृत्यू
Breaking News | Nevasa: मोटरसायकलस्वारास डंपरने धडक दिल्याने तरुणाचा मृत्यू झाल्याची घटना.
सोनई: सोनई-घोडेगाव रस्त्यावर मोटरसायकलस्वारास डंपरने धडक दिल्याने तरुणाचा मृत्यू झाल्याची घटना घडली. याबाबत शिंगणापूर पोलीस ठाण्यात अज्ञात चालकावर गुन्हा दाखल करण्यात आला आहे.
तात्याबा पाराजी आहेर (वय ६६) धंदा-मजुरी, रा. भोकर, ता. श्रीरामपूर यांनी शनिशिंगणापूर पोलीस ठाण्यात फिर्याद दिली की गणेश भाऊसाहेब सुरसे (वय २९) रा. भोकर ता. श्रीरामपूर हल्ली राहणार खेडले परमानंद हा सोनईकडून घोडेगावकडे मोटरसायकलने जात असताना समोरून भरधाव वेगात असलेला डंपर धडक देऊन पळून गेला. या घटनेत गणेश सुरसे मयत झाला आहे.
पघाताची माहिती मिळताच शिंगणापूर पोलीस ठाण्याचे पोलीस निरीक्षक टेंभेकर, सहाय्यक फौजदार नितीन सप्तर्षी यांनी घटनास्थळी भेट देऊन आकस्मात मृत्यूची नोंद केली होती. एएसआय श्री. भागवत व पोलीस कॉन्स्टेबल श्री. पिंपळे यांनी यात महत्वाची भूमिका बजावली. तपासाची सूत्रे हलवत आसपासच्या सीसीटीव्हीची पाहणी करून क्रीम रंगाचा २ ब्रासच्या डंपरने हा अपघात केला असल्याची माहिती मिळवली आहे. डंपरवरील अज्ञात चालकाविरुद्ध शिंगणापूर पोलीस ठाण्यात गुन्हा दाखल करण्यात आला आहे. या डंपरविषयी माहिती असणाऱ्यांनी सहाय्यक फौजदार श्री. सप्तर्षी यांना देण्याचे आवाहन करण्यात आले आहे.
Web Title: Motorcyclist dies in collision with dumper
See also: Latest Marathi News, Breaking News live, Education Study
