Home क्राईम फटाके वाजवण्यावरुन वाद.. धारदार शस्त्राने वार करत तरुणाला संपवलं

फटाके वाजवण्यावरुन वाद.. धारदार शस्त्राने वार करत तरुणाला संपवलं

November 15, 2023

Nashik Crime News: नाशिकमध्ये फटाके उडवण्याच्या वादातून एका २८ वर्षीय तरुणाची हत्या केल्याचे समोर.

नाशिक: राज्यात सर्वत्र दिवाळीची धामधूम सुरु आहे. अशातच नाशिकमधूनन एक धक्कादायक घटना समोर आली आहे. नाशिकमध्ये फटाके उडवण्याच्या वादातून एका २८ वर्षीय तरुणाची हत्या केल्याचे समोर आले आहे. या घटनेने संपूर्ण शहरात खळबळ उडाली आहे. मंगळवारी (१५, ऑक्टोंबर) रात्री ही घटना घडली.

याबाबत अधिक माहिती अशी की, सर्वत्र दिवाळीची धामधुम सुरू असतानाच भयंकर हत्येने नाशिक जिल्हा हादरुन गेला आहे. नाशिकच्या पथाडी गावात फटाके उडवण्याच्या वादातून एका २८ वर्षीय तरुणाची निर्घृण हत्या केल्याची घटना घडली आहे. गौरव अखाडे असे या हत्या झालेल्या तरुणाचे नाव आहे.

याबाबत माहिती मिळताच पोलिसांनी घटनास्थळी धाव घेत पंचनामा केला. तसेच पोलिसांकडून एका संशयित आरोपीलाही ताब्यात घेतले आहे. या प्रकरणी इंदिरानगर पोलीस ठाण्यात गुन्हा दाखल झाला असून पुढील तपास सध्या सुरू आहे.

Web Title: Murder Argument over bursting of firecrackers