Home Accident News संगमनेर: गुंजाळवाडी परिसरात अपघातात महिलेचा मृत्यू, चालकावर गुन्हा दाखल

संगमनेर: गुंजाळवाडी परिसरात अपघातात महिलेचा मृत्यू, चालकावर गुन्हा दाखल

October 2, 2023

Sangamner Accident: भरधाव वेगातील पिकअपने दुचाकीला पाठीमागून जोराची धडक दिल्याने झालेल्या अपघातात महिलेचा जागीच मृत्यू.

संगमनेर: संगमनेर भरधाव वेगातील पिकअपने दुचाकीला पाठीमागून जोराची धडक दिल्याने झालेल्या अपघातात महिलेचा जागीच मृत्यू झाला, तर तिचा पती व मुलगा गंभीर जखमी झाल्याची घटना संगमनेरमध्ये गुंजाळवाडी बायपास बोगदा परिसरात घडली. वैष्णवी ऊर्फ रोहिणी चंद्रकांत खराडकर, असे मृत महिलेचे नाव आहे. जखमींवर नाशिक येथे रुग्णालयात उपचार सुरु आहेत. या घटनेने परिसरात शोककळा पसरली आहे.

याबाबत मृताचा भाऊ अश्विनीकुमार दीपक बेल्हेकर (रा. गुंजाळवाडी, ता. संगमनेर) यांनी रविवारी (ता. १) संगमनेर शहर पोलिस ठाण्यात दिलेल्या फिर्यादीवरून पिक अप चालक सतीश संदीप डोंगरे (रा. पांगरीमाथा, ता. जुन्नर, जि. पुणे) याच्या विरोधात गुन्हा दाखल करण्यात आला आहे.

Web Title: A woman died in an accident in the Gunjalwadi area, a case was registered against the driver