Home क्राईम संगमनेर: घरासमोरून दोन ट्रॅक्टर चोरीला

संगमनेर: घरासमोरून दोन ट्रॅक्टर चोरीला

October 23, 2023

Ahmednagar | Sangamner News: घरासमोर उभे असलेले दोन ट्रॅक्टर ट्रॉली चोरट्यांनी चोरून (theft) नेल्याची घटना.

संगमनेर: घरासमोर उभे असलेले दोन ट्रॅक्टर ट्रॉली चोरट्यांनी चोरून नेल्याची घटना रविवारी (दि. १५) सकाळी ८ वाजेच्या सुमारास समोर आली आहे. ही घटना तालुक्यातील खांडगाव शिवारात घडली. याप्रकरणी संगमनेर शहर पोलिस ठाण्यात गुन्हा दाखल झाला आहे.

याबाबत अधिक माहिती अशी की, शरद लक्ष्मण पानसरे (रा. श्रीराम मंदिर माळ, घुलेवाडी) यांनी फिर्ऊयाद दाखल केली असून गुन्सहा दाखल करण्यात आला आहे. उस तोडणीच्या व्यवसायासाठी पानसरे यांनी २ ट्रॅक्टर आणि ट्रॉली घेतल्या होत्या. ऊसतोडणी हंगाम संपल्यानंतर घराजवळ जागा नसल्याने गुरुवारी (दि.१२) सकाळी ११.३० वाजता पानसरे आणि त्यांचे मावस संभाजी दगडू वाकचौरे (रा. कळस, ता. अकोले) यांनी त्यांचे खांडगाव येथील नातेवाईक शंकर गुंजाळ यांच्या घरासमोर २ ट्रॅक्टर ट्रॉलीसह उभे केले होते. त्यानंतर रविवारी सकाळी ८.२० असलेल्या भगवान गुंजाळ यांनी फोन करून सांगितले की, ट्रॅक्टर-ट्रॉली उभे केलेल्या जागेवर दिसून येत नाहीत. ट्रॅक्टर-ट्रॉली चोरीला गेल्याची खात्री झाल्यानंतर पानसरे यांनी दिलेल्या फिर्यादीवरून गुन्हा दाखल करण्यात आला आहे.

Web Title: Two tractors were theft from the front of the house