Home Accident News अहमदनगर: कार झाडावर आदळून अपघातात दोघांचा मृत्यू, सहा जखमी

अहमदनगर: कार झाडावर आदळून अपघातात दोघांचा मृत्यू, सहा जखमी

August 26, 2023

Ahmednagar Accident: कार झाडावर आदळून झालेल्या अपघातात दोघांचा जागीच मृत्यू झाला तर सहा जण जखमी झाल्याची घटना.

पाथर्डी: कार झाडावर आदळून झालेल्या अपघातात दोघांचा जागीच मृत्यू झाला तर सहा जण जखमी झाले. ही घटना टाकळीमानूर (ता. पाथर्डी) पासून एक किलोमीटर अंतरावर शुक्रवारी (दि.२५) सकाळी अकराच्या सुमारास घडली.

गोकुळ बापूसाहेब नाईकनवरे (वय ४०, रा. तांगडगाव, ता. शिरूर कासार, जि. बीड) यांच्यासह त्यांची भाची दिव्या आदिनाथ मडके (रा. देवी निमगाव, ता. आष्टी) या दोघांचा अपघातात मृत्यू झाला.

याबाबत अधिक माहिती अशी की, ऊसतोड मजुरीचे काम करणारे नाईकनवरे कुटूंब शुक्रवारी मोहटा देवी दर्शनासाठी कारने चालले होते. सकाळी अकराच्या सुमारास टाकळीमानूर गावाजवळ कारवरील चालकाचे नियंत्रण सुटले. त्यामुळे कार झाडावर आदळली. कार चालविणारे गोकुळ बापूसाहेब नाईकनवरे यांच्यासह त्यांची आठ महिन्यांची भाची दिव्या आदिनाथ मडके या दोघांचा जागीच मृत्यू झाला. मयत गोकुळ नाईकनवरे यांची आई लताबाई अंबादास नाईकनवरे (वय ६०), पत्नी उषाबाई गोकुळ नाईकनवरे (वय ३५), दादा गोकुळ नाईकनवरे ( वय १४), प्रगती गोकुळ नाईकनवरे (वय १५), कोमल आदिनाथ मडके (वय २४), बाळू मच्छिंद्र सटले (वय १८) हे जखमी झाले. त्यांना तातडीने बीड येथील शासकीय रुग्णालयात पाठविण्यात आले.

अपघात झाला त्यावेळी शिरूर पोलिस ठाण्याचे प्रशिक्षणार्थी पोलिस उपनिरीक्षक भाऊसाहेब शिरसाट तेथून चालले होते. त्यांनी तत्काळ सूत्रे हलविली व जखमींना रुग्णालयात हलविले.

Web Title: Two died in an accident when the car hit a tree