Home अहमदनगर अहमदनगर ब्रेकिंग: तीन वाहनांच्या अपघातात युवक जागीच ठार

अहमदनगर ब्रेकिंग: तीन वाहनांच्या अपघातात युवक जागीच ठार

October 23, 2023

Ahmednagar News | Nevasa: डबल ट्रेलरचा ट्रॅक्टर-स्कार्पिओ-स्कुटी अशा तीन वाहनांच्या अपघातात (Accident) स्कुटीवरील युवक ठार झाल्याची घटना.

नेवासा | Nevasa: तालुक्यातील भेंडा बुद्रुक येथे नेवासा-शेवगाव राज्यमहामार्गावर व्यंकटेश ज्वेलर्स दुकानासमोर ऊस वाहतूक करणारा डबल ट्रेलरचा ट्रॅक्टर-स्कार्पिओ-स्कुटी अशा तीन वाहनांच्या अपघातात स्कुटीवरील अमित बन्सी सातपुते (वय ३३ वर्षे) (वय 33, रा. नजीक चिंचोली, ता. नेवासा) हा युवक जागीच ठार झाल्याची घटना आज (दि २२) रात्री ८.३० वाजेचे सुमारास घडली.

मयत अमित हा कॉम्रेड बन्सी सातपुते, कॉम्रेड स्मिता पानसरे यांचा एकुलता एक मुलगा, तर ज्येष्ठ विचारवंत दिवंगत कॉम्रेड गोविंद पानसरे यांचा नातू होता. रविवारी रात्री अमित सातपुते हे नेवासा शेवगाव राज्य मार्गावरून दुचाकीवरून नजीक चिंचोली येथून नेवासा फाटा येथे येत होते. भेंडा येथे त्यांना एका वाहनाने धडक दिली. अमितच्या डोक्यावरून वाहनाचे चाक गेल्याने ते जागीच ठार झाले. त्यानंतर पोलिसांनी एका ट्रॅक्टरचालकास पकडले. ट्रॅक्टरचालकाने तरुणाच्या दुचाकीला स्कॉर्पिओने धडक देऊन तो पसार झाल्याचे सांगितले. मृतदेह शवविच्छेदनासाठी नेवासा फाटा येथील ग्रामिण रुग्णालयात आणण्यात आला आहे.

Web Title: Nevasa News youth died on the spot in a three-vehicle accident