राष्ट्रीय महामार्गावर बस दुचाकीच्या अपघातात तरुणाचा मृत्यू
Breaking News | Beed Nagar Highway Accident: कामासाठी असलेल्या व काम आटोपून परत गावी परतणा-या तरूणाच्या दुचाकीला बसने समोरासमोर धडक दिल्याने जागीच मृत्यू.
बीड: शहरात कामासाठी असलेल्या व काम आटोपून परत गावी परतणा-या तरूणाच्या दुचाकीला बसने समोरासमोर धडक दिल्याने जागीच मृत्यू झाला. सोमवारी (ता. 29) रात्री अकरा वाजण्याच्या सुमारास बीड- नगर राष्ट्रीय महामार्गावर ही घटना घडली.
संदीप आश्रुबा आंधळे (वय ३० वर्षे, रा. लिंबोडी) असे मृत तरूणाचे नाव आहे. माहिती अशी की, तालुक्यातील लिंबोडी येथील संदीप आश्रुबा आंधळे याच्याकडे एक टेम्पो असून त्याचा थकीत हप्ता भरण्यासाठी संदीप सोमवारी दुपारी नगर येथे दुचाकीने गेलो होता. तेथील काम आटोपल्यानंतर रात्री तो दुचाकीवरून गावी परतत होता.
रात्री ११ वाजण्याच्या सुमारास बीड-नगर महामार्गावर वाघळू येथील वळणावर आला असता समोरून येणा-या कळंब- बोरिवली बसने (क्रमांक एमएच-09 एफएल-0572) संदीपच्या दुचाकीला समोरासमोर जोराची धडक दिली. यात संदीपचा गंभीर जखमी झाल्याने जागीच मृत्यू झाला. अपघाताची माहिती प्राप्त होताच अंभोरा पोलिस ठाण्यातील पोलिस नाईक मुकुंद एकशिंगे, पोलिस अंमलदार शिवदास केदार यांनी घटनास्थळी जाऊन मृतदेह कडा येथील प्राथमिक आरोग्य केंद्रात शवविच्छेदनासाठी रवाना करत वाहतूक सुरळीत केली. अपघातग्रस्त बस पोलिस ठाण्यात आणण्यात आली असून अधिक तपास सुरु आहेत.
Web Title: young man died in a bus-two-wheeler accident on the national highway
See also: Latest Marathi News, Breaking News live, Education Study
