संतापजनक! मामाचा चार वर्षीय भाचीवर अत्याचार
Breaking News | Chakan Crime: मामानेच आपल्या चार वर्षीय चिमुकल्या भाचीवर अत्याचार केल्याची घटना घडली.
चाकण | पुणे : चाकण औद्योगिक क्षेत्रातील आंबेठाण गावातील दवणेवस्ती येथे नात्याला काळिमा फासणारी घटना समोर आली आहे. या घटनेत मामानेच आपल्या चार वर्षीय चिमुकल्या भाचीवर अत्याचार केल्याची घटना घडली आहे.
चाकण औद्योगिक क्षेत्रातील आंबेठाण परिसरात घटना घडली आहे. पीडित मुलीचे कुटुंब बिहार येथील रहिवाशी असून पीडित मुलीचे वडिल एका खाजगी कंपनीत कामाला जातात. नेहमीप्रमाणे ते कामावर गेले असताना घरात आईजवळ झोपलेल्या ४ वर्षीय चिमुकल्या मुलीला तिच्या मामाने उठवून घराबाहेर नेले. तिला निर्जनस्थळी घेऊन जात जीवे मारण्याची धमकी देत तिच्यावर अत्याचार करुन तिकडेच सोडुन दिले.
संशयिताला घेतले ताब्यात घडला प्रकार मुलीने आईजवळ सांगितले. यानंतर आईने पोलिसात धाव घेत तक्रार दाखल केली. या प्रकरणी महाळुंगे पोलीसांनी नराधम संशयित आरोपीला अटक केली आहे. या प्रकरणी पोलीस पुढील तपास करत आहेत. दरम्यान मामाकडून घडलेल्या या कृत्यामुळे सर्वत्र संताप व्यक्त होत आहे.
Web Title: Uncle abuses four-year-old niece
See also: Latest Marathi News, Breaking News live, Education Study