अहमदनगर ब्रेकिंग: अज्ञात वाहनाच्या धडकेत दुचाकीवरील दोघे ठार

Ahmednagar Accident News:  राहुरी फॅक्टरी परिसरातील वाणी मळा येथे 17 एप्रिल रोजी दुपारच्या दरम्यान अज्ञात वाहनाची धडक बसून दुचाकीवरील दोघेजण जागीच ठार झाल्याची घटना.

राहुरी | Rahuri: नगर मनमाड राज्य महामार्गावर राहुरी फॅक्टरी परिसरातील वाणी मळा येथे अज्ञात वाहनाची धडक बसून दुचाकीवरील दोघेजण जागीच ठार झाल्याची घटना 17 एप्रिल रोजी दुपारच्या सुमारास घडली.

योगेश राजेंद्र गायकवाड, (वय 22) व पुष्पा शामराव ब्राम्हणे (वय 27) (दोघे ह. मु. चिंचोलीफाटा) अशी मयत झालेल्यांची नावे आहेत.

याबाबत मिळालेली माहिती अशी की, 17 एप्रिल रोजी दुपारी एक ते दिड वाजे दरम्यान राहुरी फॅक्टरी परिसरातील वाणी मळा येथे नगर मनमाड राज्य महामार्गावर योगेश राजेंद्र गायकवाड, (वय 22) व पुष्पा शामराव ब्राम्हणे (वय 27) (दोघे ह. मु. चिंचोलीफाटा) हे दुचाकीवरून राहुरीकडून चिंचोली फाट्याकडे जात असताना त्यांना एका अज्ञात वाहनाने जोराची धडक दिली. या घटनेत दुचाकीवरील दोघेही जागेवरच ठार झाले. धडक देऊन अज्ञात वाहन घटनास्थळावरून पसार झाले.

काही नागरिकांनी रुग्णवाहिकेला फोन करुन पोलीस ठाण्यात माहीती दिली. उपस्थित नागरीकांच्या मदतीने दोघांना रूग्णवाहिकेतून राहुरी येथील ग्रामीण रुग्णालयात दाखल केले असता तेथील वैद्यकिय आधिकार्‍यांनी त्यांना मृत घोषित केले. सुरूवातीला मृतदेहाजवळ कोणतेही ओळखपत्र नसल्याने तसेच त्यांचे मोबाईल फुटल्याने व चेहरा विद्रुप झाल्याने मृतदेहांची ओळख पटवण्यात अडचण येत होती.

Web Title: Two on a two-wheeler were killed in a collision with an unknown vehicle Accident

See Latest Marathi News, Ahmednagar News, Education Study and Download Now Sangamner Akole News Ahmednagar Live App