Home क्राईम संतापजनक! भाडेकरू मुलीवर घरमालकाकडून बलात्कार, रक्षकच बनला भक्षक

संतापजनक! भाडेकरू मुलीवर घरमालकाकडून बलात्कार, रक्षकच बनला भक्षक

October 18, 2023

Nagpur Crime: नागपूरमधून संतापजनक घटना समोर आली आहे. भाड्याच्या घरात राहणाऱ्या एका मुलीवर घरमालकाने बलात्कार (Raped) केल्याची धक्कादायक घटना.

नागपूर : घरात भाड्याने राहत असलेल्या एका अल्पवयीन मुलीवर बलात्कार केल्याची संताप व्यक्त करणारी घटना उघडकीस आली आहे. घरमालकानेच मुलीवर बलात्कार केला असून पोलिसांनी या प्रकरणात आरोपीवर गुन्हा दाखल करत त्याच्या अटकेची कार्यवाही सुरू केली आहे. नागपुरातील सक्करदरा परिसरात ही घटना घडली. प्रतिक आसोले असं आरोपीचं नाव असून त्याने १४ वर्षीय मुलीवर बलात्कार केल्याची कबुली दिली आहे. त्यानंतर आता नागपूर पोलिसांनी या घटनेची उच्चस्तरीय चौकशी सुरू केल्याची माहिती आहे.

याबाबत अधिक माहिती अशी की, नागपुरातील सक्करदऱ्यात एक कुटुंब आरोपी प्रतिक आसोलेच्या मालकीच्या घरात भाड्याने राहत होतं. आई-वडील कामानिमित्त घराबाहेर गेले असता आरोपीने संधी साधत मुलीचं तोंड दाबून तिच्यावर बलात्कार केला. याशिवाय या प्रकरणाची माहिती कुणाला दिल्यास जीवे मारण्याची धमकी देखील दिली. पीडित मुलीने आई-वडील घरी आल्यानंतर त्यांना घडलेला सर्व प्रकार सांगितला. त्यानंतर पीडितेच्या तक्रारीवरून पोलिसांनी आरोपी प्रतिक आसोले याच्यावर गुन्हा दाखल करत त्याच्या अटकेची कार्यवाही सुरू केली आहे. गेल्या अनेक दिवसांपासून आरोपी प्रतिक आसोले हा अल्पवयीन मुलीवर वाईट नजर ठेवून होता. तिचे आई-वडील बाहेर गेलेले असल्याचं समजताच त्याने घरात घुसून मुलीवर अत्याचार केल्याचं तक्रारीत सांगण्यात आलं आहे.

आरोपी घरमालक प्रतिक आसोले हा भाड्याच्या खोलीतून हाकलून देईल, या भीतीने पीडितेने तातडीने तक्रार केली नाही. परंतु सतत होत असलेल्या त्रासाबद्दल कंटाळून पीडितेने घडलेला सर्वप्रकार आई आणि शिक्षकांना सांगितला. त्यानंतर पीडितेच्या आई-वडिलांसह शिक्षकांनी मुलीला सोबत घेत पोलीस ठाणे गाठले. त्यानंतर पोलिसांनी आरोपीवर गुन्हा दाखल करण्यात आला आहे.

Web Title: tenant girl was raped by the landlord, the guard became the predator