अहमदनगर: कांदा गोण्या भरलेला ट्रक कारवर पलटी, एकाचा मृत्यू,  तिघे जखमी

Breaking News | Ahmednagar Accident: उड्डाणपुलावरील अपघातात एकाचा मृत्यू; तिघे जखमी.

अहमदनगर: येथील उड्डाणपुलावर स्टेट बँक चौकाजवळ कांदा गोण्या भरलेला ट्रक रस्त्यावर पलटी झाला, त्याचवेळी तेथून जाणारी कार या ट्रकखाली दबली गेली. या अपघातात ट्रकमधील क्लीनरचा जागीच मृत्यू झाला तर कारमधील तिघे जखमी झाले आहेत. रविवारी (दि. ४) मध्यरात्री १.३० च्या सुमारास हा अपघात झाला.

नगरच्या नेप्ती कांदा मार्केटमधून कांदा ट्रक मध्ये भरून ट्रक चालक व क्लीनर असे दोघेजण नगरहून छत्रपती संभाजी नगरकडे जाण्यासाठी मध्यरात्री निघाले हा ट्रक उड्डाणपुलावरून जात असताना स्टेट बँक चौकाजवळील वळणावर ट्रक चालकाचे वाहनावरील नियंत्रण सुटून पलटी झाला. त्यावेळी तेथून जाणारी कार ट्रक खाली दबली गेली. कार मधील प्रवीण काटे, साक्षी काटे व नवनाथ उदमले तिघे जखमी झाले असून ट्रक खाली दबून क्लीनर इसम शुभम रघुनाथ शिंदे मृत्यू झाला आहे.

Web Title: One dies in flyover accident Three injured

See also: Latest Marathi News,  Breaking News live,  Education Study