जीवाभावाचा मित्रच बनला शत्रू! मित्राने मित्रालाच संपवलं, खळबळजनक घटना
Breaking News | Thane Crime: मित्रांनी घरातील चौकटीच्या लाकडाने प्रहार करून त्याची हत्या (Murder) केल्याची घटना.
ठाणे: ठाण्यात दिवसेंदिवस खून, बलात्कार, गुन्हेगारी हे प्रकरणं वाढत आहेत. यातच ठाण्यातील समता नगर परिसरात पाइपलाइन मार्गावर २८ वर्षीय तरुणाची हत्या झाल्याची घटना घडली आहे.
ठाण्यातील समता नगर या ठिकाणी तानाजी शिंदे असे हत्या झालेल्या युवकाचं नाव आहे. समता नगर येथील पाईप लाईन परिसरात सदरचा व्यक्तीचा मृत्यू झाल्याचा प्रकार सकाळी समोर आला आहे. या प्रकरणी वागळे इस्टेट पोलीस अधिक तपास करीत आहेत.
ठाण्यातील या हत्येप्रकरणी त्याच्या एका मित्राला वागळे इस्टेट पोलिसांनी ताब्यात घेतलं आहे. वागळे पोलीस ठाण्याच्या नियंत्रणाला समता नगरच्या पाइपलाइन परिसरात एका व्यक्तीचा मृतदेह पडल्याचा फोन आला होता. वागळे पोलीस स्टेशन आणि फॉरेन्सिक विभागाचे पथक तातडीने घटनास्थळी पोहोचले.
या तपासादरम्यान आम्हाला कळले की, पहाटे पाच वाजता तानाजी शिंदे (वय 28) याच्या मित्रांनी घरातील चौकटीच्या लाकडाने प्रहार करून त्याची हत्या केली, अशी माहिती पोलिसांनी दिली. पोलीस घटनास्थळाची संपूर्ण तपासणी करत आहेत. घटनास्थळी असलेले पुरावे जप्त करण्यात आले आहेत.
10 वी व 12 विद्यार्थ्यांसाठी उपयुक्त इंग्रजी शिका – Education Portal
वागळे पोलीस स्टेशनने तपास सुरु केला आहे. दरम्यान काल रात्री मयत तानाजी शिंदे सोबत कोण होतं? याचाही तपास सुरु केला आहे. पोलिसांनी मयत तानाजी शिंदे यांच्या एका मित्राला ताब्यात घेतलं आहे. त्याची चौकशी सुरु केली आहे. या हत्येप्रकरणी इतर मित्रांची देखील पोलीस चौकशी करणार आहेत. या घटनेमुळं परिसरात चांगलीच खळबळ उडाली आहे. घटनेतून मित्रच त्याचा वैरी बनल्याचं पाहायला मिळतंय. परंतु अद्याप तानाजी शिंदेचा खून का झाला, याचं कारण समोर आले नाही.
Web Title: Murder Jeevabhava’s friend has become an enemy A friend ended a friend
See also: Latest Marathi News, Breaking News live, Education Study
