दिरासोबत अनैतिक संबंधातून महिलेनं पतीचा केला खून

Breaking News | Kolhapur Crime: अनैतिक संबंधातून पत्नीने प्रियकराच्या मदतीने पतीचा खून (Murder) केल्याची घटना उघडकीस.

कोल्हापूर: अनैतिक संबंधातून पत्नीने प्रियकराच्या मदतीने पतीचा खून केल्याची घटना उघडकीस आली आहे. शुक्रवारी सकाळी कागल तालुक्यातील वडगावजवळ शिवाजी बंडा शिंदे (वय ४७, रा. वडगाव) यांच्या डोक्यात वार करून मृतदेह रस्त्याच्या कडेला पडलेला आढळून आला. याबाबतची माहिती मिळताच पोलिसांनी घटनास्थळी धाव घेऊन मृतदेह ताब्यात घेऊन पुढील तपास सुरू केला आणि अवघ्या आठ तासांमध्ये या खुनाचा छडा लावण्यात पोलिसांना यश आले आहे.

पत्नीने चुलत दिरासोबत असलेल्या अनैतिक संबंधातून हा खून केल्याच स्पष्ट झालं असून मात्र याप्रकरणी पोलिसांनी संशयित आरोपी कांचन शिवाजी शिंदे व चंद्रकांत धोंडीबा शिंदे (रा. वडगाव) यांना ताब्यात घेतले आहे.

याबाबत मिळालेली अधिक माहिती अशी की,  शुक्रवारी कोल्हापुरातील कागल तालुक्यातील वडगाव येथे मृत शिवाजी बंडा शिंदे याचा खून करून रस्त्याच्या कडेला मृतदेह टाकल्याचे सकाळी फिरायला जाणाऱ्या नागरिकांच्या निदर्शनास आले. स्थानिकांनी पोलीस पाटलाच्या मदतीने मुरगूड पोलीस ठाण्यात यासंदर्भात माहिती दिली. पोलिसांनी मृतदेह ताब्यात घेऊन पुढील तपास सुरू केला. मृतदेह पाहिल्यानंतर हा अपघात असावा असे भासवण्याचा प्रयत्न आरोपींनी केला होता. मात्र पोलिसांनी वेगवेगळ्या अँगलने तपास करत चौकशी केली असता हा खून असल्याचं स्पष्ट झालं.

शिवाजी शिंदे याने मायक्रो फायनान्सच्या माध्यमातून कर्ज घेतले होते. त्याचे हप्ते वेळेत देत नसल्याने पती-पत्नी दोघांमध्ये वारंवार वाद होत होता. गुरुवारी शिवाजी शिंदे हा आपली कामे उरकून कापशीकडून वडगावकडे गेला. गावात रात्री उशिरापर्यंत धार्मिक कार्यक्रम सुरू असल्यामुळे ग्रामस्थ रात्री उशिरापर्यंत मंदिरात होते. रात्री ११ च्या सुमारास शिवाजी शिंदेचा चुलत भाऊ चंद्रकांत शिंदे हा देखील दुचाकीवरून गेल्याची माहिती चौकशीतून समोर आली. पोलिसांना संशय बळवल्यानंतर चंद्रकांत शिंदेला ताब्यात घेत त्याला खाकीचा धाक दाखवताच चंद्रकांत शिंदेने गुन्हा केल्याचं कबूल केलं.

दरम्यान, कांचन व चंद्रकांत यांनी महिला बचत गटाकडून घेतलेले पैसे परत देत नसल्याच्या कारणावरून शिवाजीला निर्जनस्थळी नेऊन डोक्यात व चेहर्‍यावर लाकडी ओंडक्याने मारून गंभीर जखमी केलं. यात त्यांचा मृत्यू झाला असल्याचे सांगितलं तर संशयित आरोपींनी पुरावा व ओळख नष्ट करण्याच्या उद्देशाने मृतदेह रस्त्याच्या कडेला टाकून दिलाचीही कबुली दिली. यानंतर मुरगुड पोलिसांनी दोघांनाही ताब्यात घेऊन गुन्हा दाखल केला आहे. अधिक तपास पोलीस करीत आहे.

Breaking News: Immoral relationship with a woman and the blood of her father