मित्राच्या बायकोला जाळ्यात ओढलं, लॉजवर नेऊन शरीरसंबंध, नंतर अपेक्षाभंग
Breaking News | Kalyan Crime: मित्राच्या बायकोलाच लग्नाचे आमिष दाखवून तरुणाने वारंवार लैंगिक अत्याचार केल्याची धक्कादायक घटना समोर आली आहे.
कल्याण : मित्राच्या बायकोलाच लग्नाचे आमिष दाखवून तरुणाने वारंवार लैंगिक अत्याचार केल्याचा धक्कादायक प्रकार समोर आला आहे. भिवंडी शहराजवळच्या टेमघर भागातील तरुणाने कल्याणमध्ये राहणाऱ्या विवाहितेवर विविध ठिकाणी नेऊन वेळोवेळी लैंगिक अत्याचार केल्याचा आरोप आहे. विवाहाच्या आशेने विवाहितेने सुरुवातीला लैंगिक संबंधांना विरोध केला नाही, लग्न करण्याचा तगादा लावल्यानंतर मात्र या तरुणाने लग्न करण्यास नकार दिला. शिवाय त्रास दिल्यास स्वतःच्या जीवाचे बरेवाईट करून घेण्याची धमकी ब्लॅकमेल करणाऱ्या तरूणाने दिल्याचाही दावा केला जात आहे. शुभम तानाजी गोवर्धन (वय २९ वर्ष) असे फसवणूक करणाऱ्या तरूणाचे नाव आहे.
याबाबत पोलिसांकडून मिळालेली माहिती अशी की, शुभम गोवर्धन हा पीडित महिलेच्या पतीचा मित्र आहे. शुभमने मित्राच्या पत्नीबरोबर जवळीक साधली. प्रेमाच्या जाळ्यात ओढलेल्या या महिलेला लग्नाचे आमिष दाखविले. आपण लवकर लग्न करू, असे तो पीडित महिलेला सांगत होता. लग्नाचे कारण सांगून शुभम पीडित महिलेवर कल्याणमधील लॉजवर, तसेच तिच्या घरी जाऊन लैंगिक संबंध प्रस्थापित करत होता.
आपले लग्न होणार असल्याने पीडितेने शुभमला विरोध केला नाही. मात्र गेल्या महिन्यापासून पीडितेने शुभमच्या मागे लग्न करण्यासाठी तगादा लावला. त्यावेळी तो तिला वेळकाढूपणाची कारणे देऊ लागला. तरीही पीडितेने पाठपुरावा सुरूच ठेवला. अखेर शुभमने पीडित महिलेला तुझ्याशी लग्न करणे आपल्याला जमणार नसल्याचे सांगितले. शिवाय लग्नाचा विषय पुन्हा काढल्यास जीवाचे बरेवाईट करून घेईन, अशीही त्याने धमकी दिली.
हे एकून पीडितेला जबर धक्का बसला. लग्नाचे आमिष दाखवून आपल्यावर लैंगिक अत्याचार केले. फसवणूक करून शिवाय आत्महत्या करण्याची धमकी देत ब्लॅकमेल करणाऱ्या शुभमला धडा शिकवण्यासाठी पीडित विवाहितेने खडकपाडा पोलिस ठाण्यात जाऊन तक्रार दाखल केली. या प्रकरणी फौजदार एन. एस. लांडगे पुढील तपास करत आहेत.
Web Title: friend’s wife was dragged into a net, taken to a lodge and had sex
See also: Latest Marathi News, Breaking News live, Education Study
