समृध्दी मार्गावर आयशर आणि कारचा भीषण अपघात, सासरे जावई ठार.
Breaking News | Accident: आयशर ट्रकने क्रेटा कारला जोराची धडक दिल्याने झालेल्या अपघातात कार मधील सासरे जावई ठार (Death) झाल्याची घटना.
वैजापूर: समृध्दी महामार्गावरील विरुद्ध दिशेने येणार्‍या आयशर ट्रकने क्रेटा कारला जोराची धडक दिल्याने झालेल्या अपघातात कार मधील सासरे जावई ठार झाल्याची घटना आज रोजी पहाटे घडली.
वैजापूर पोलिसांनी दिलेल्या माहितीनुसार काल सोमवारी समृध्दी महामार्ग चॅनल क्रमांक 490.6 वर पहाटे चार वाजण्याच्या सुमारास विरुद्ध दिशेने भरधाव वेगात जाणार्‍या आयशर ( क्र.डीडी 01 एन 9275) ने कार (क्र.एम एच 27 डी एल 7713) ला समोरासमोर जोराची धडक दिली. या धडकेत रामचंद चंदुलाल मेठानी (55, रामपुरी काम, काकिमा आश्रम अमरावती आणि नामदेव ढालूलाल पोपटाणी(45 जुना सिंधी कॉलनी नंदुरबार) हे दोघे ठार झाले. मयत दोघेही नात्याने सासरे जावई आहेत.
रामचंद्र मेठानी हे अमरावती येथून नाशिक येथे भावजय यांची अस्थी विसर्जनासाठी मुलगा दीपक कुमार मेठानी, जावई नामदेव पोपटानी तसेच मित्र रमण टेकवाणी यांच्यासह क्रेटा या कारने समृद्धी मार्गावरून जात होते. दरम्यान, समृद्धी महामार्गावरील चैनल क्रमांक 490 वर समोरून विरुद्ध दिशेने येत असलेल्या आयशरने मेठानी यांच्या कारला जोराची धडक दिली. यात रामचंद मेठानी आणि नामदेव पोपटानी हे गंभीर जखमी झाले. वैजापूर पोलिसांनी घटनास्थळी जात जखमींना वैजापूर उपजिल्हा रुग्णालयात दाखल केले असता दोघांना डॉक्टरानी तपासून मृत घोषित केले. तर दीपक कुमार मेठानी व रमण टेकवानी हे दोघे गंभीर जखमी झाले आहेत. या प्रकरणी वैजापूर पोलिसांनी आयशर चालका विरुद्ध गुन्हा दाखल केला आहे.
Web Title: Eicher and car accident on Samrudhi road, father-in-law killed
See also: Latest Marathi News, Breaking News live, Education Study
