Home अहमदनगर चालक ‘घरी सोडतो’ म्हणाला अन् वाहनातच महिलेवर अत्याचार

चालक ‘घरी सोडतो’ म्हणाला अन् वाहनातच महिलेवर अत्याचार

September 20, 2023

Ahmednagar News: चारचाकी मालवाहतूक वाहनातून घरी सोडतो, असे सांगून महिलेला निर्जन ठिकाणी नेऊन मारहाण करत तिच्यावर चालकाने अत्याचार (Rape).

पाथर्डी: चारचाकी मालवाहतूक वाहनातून घरी सोडतो, असे सांगून महिलेला निर्जन ठिकाणी नेऊन मारहाण करत तिच्यावर चालकाने अत्याचार केल्याची घटना १६ सप्टेंबर रोजी पाथर्डी तालुक्यातील जवखेडे शिवारात घडली.

पीडित महिलेच्या तक्रारीवरून पाथर्डी पोलिस ठाण्यात लक्ष्मण किसन चेके (रा. निंबेनांदूर ता. शेवगाव) याच्या विरोधात गुन्हा दाखल करण्यात आला आहे. पीडित महिला शेवगाव तालुक्यातील आहे. याबाबत पोलिसांकडून मिळालेली माहिती अशी की, सदर महिला पाथर्डी तालुक्यातील तिसगाव येथे तिच्या बहिणीकडे आली होती. ती परत घरी जाण्यासाठी निघाली तेव्हा वाटेत तिला लक्ष्मण चेके भेटला. त्याने महिलेला मालवाहतूक वाहनातून घरी सोडतो असे सांगितले. वाहन तिसगाव – मिरी रोडने जवखेडे फाट्याजवळ आले असता आरोपीने पक्का रस्ता सोडून वाहन पाटाच्या कच्च्या रस्त्याने आतमध्ये अर्धा किलोमीटर अंतरावर नेले व वाहनातच सदर महिलेला मारहाण करत तिच्यावर अत्याचार केला. यावेळी महिलेचा आवाज ऐकून परिसरातील ग्रामस्थांनी तिची आरोपीच्या तावडीतून नातेवाईकांच्या ताब्यात दिले. पीडितेच्या फिर्यादीवरून पाथर्डी पोलीस ठाण्यात गुन्हा दाखल झाला आहे.

Web Title: driver said ‘leave home’ and abused the woman in the vehicle