अहमदनगर: रस्त्याच्या कडेला आढळला अनोळखी व्यक्तीचा मृतदेह
Breaking News | Ahmednagar: रोडच्या कडेला अंदाजे ४५ वर्षीय अनोळखी पुरुषाचा मृतदेह आढळून आला.
श्रीरामपूर: श्रीरामपूर शहरातील डावखर रोड, वॉर्ड नंबर ६ येथे रोडच्या कडेला अंदाजे ४५ वर्षीय अनोळखी पुरुषाचा मृतदेह आढळून आला आहे.
रंगाने सावळा असलेला, केस व दाढी वाढलेला, अंगात – गुलाबी शर्ट व निळी पॅन्ट असलेली व्यक्ती रस्त्याच्या कडेला पडलेली असल्याची माहिती पो.हे.कॉ. जयवंत तोडमल यांना समजली. त्यांनी सहकाऱ्यांच्या मदतीने त्यास साखर कामगार हॉस्पिटलमध्ये उपचारासाठी दाखल केले असता तो उपचारापूर्वीच मयत झालेला असल्याचे वैद्यकीय अधिकाऱ्यांनी जाहीर केले.
या प्रकरणी पोलिसांनी अकस्मात मृत्यूची नोंद केली आहे. मयताच्या नातेवाईकांचा शोध चालू असून ते मिळून न आल्यास सरकारी नियमाप्रमाणे सदर मयताचा अंत्यविधी (दफनविधी) करण्यात येणार आहे. पुढील तपास जयवंत तोडमल करीत आहेत.
Web Title: Dead body of an unknown person was found on the side of the road
See also: Latest Marathi News, Breaking News live, Education Study
