अहमदनगर: एसटीने दुचाकीला फरपटले; एक ठार
Breaking News | Ahmednagar: नगर-कल्याण महामार्गावरील हिंगणगाव फाटा येथील अपघातग्रस्त एसटी व त्यामध्ये चक्काचूर झालेली दुचाकी. एक ठार.
अहमदनगर: नगर-कल्याण महामार्गावर एसटी-दुचाकीची समोरासमोर धडक होऊन सोमवारी (दि.१८) सकाळी साडेदहा वाजता झालेल्या अपघातात एकाचा जागीच मृत्यू झाला. एसटीने ही दुचाकी शंभर फूट फरफटत नेल्याचे प्रत्यक्षदर्शीनी यावेळी सांगितले.
राहुल संजय खोमणे (वय ३०, रा. धोत्रे, ता. पारनेर) असे अपघातातील मृताचे नाव आहे. राहुल खोमणे हे नगरहून नगर-कल्याण महामार्गावरून धोत्रे गावच्या दिशेने दुचाकीवरून चालले होते. सकाळी साडेदहाच्या सुमारास ते हिंगणगाव फाटा (ता. नगर) परिसरातील सोनवणे-दाते पेट्रोल पंपासमोर पोहोचले.
त्याचवेळी पारनेरवरून नगरकडे येणारी एसटी बस व खोमणे यांची दुचाकी यांच्यात समोरासमोर धडक झाली. यामध्ये दुचाकीस्वार जागीच ठार झाला. एसटीने दुचाकी शंभर फुटापर्यंत ओढत नेली. त्यांचा मृतदेह जिल्हा रुग्णालयात नेण्यात आला. एसटी वेगात असल्याचे प्रत्यक्षदर्शीनी सांगितले.
Web Title: Accident ST took the bike by storm kill one
See also: Latest Marathi News, Breaking News live, Education Study
