Home अहमदनगर पिकअपने धडक दिल्याने एकुलता एक तरुणाचा मृत्यू

पिकअपने धडक दिल्याने एकुलता एक तरुणाचा मृत्यू

December 3, 2023

Ahmednagar Accident: पिकअप व मोटारसायकल यांची धडक होऊन झालेल्या अपघातात देवीभोयरे येथील तरुणाचा जागीच मृत्यू.

पारनेर | निघोज: पिकअप व मोटारसायकल यांची धडक होऊन झालेल्या अपघातात देवीभोयरे येथील तरुणाचा जागीच मृत्यू झाला. हा अपघात शुकवार (दि.१) रोजी पारनेर तालुक्यातील वडझिरे येथील न्यू जोगेश्वरी हॉटेलजवळ झाला. स्वप्निल पांडुरंग सरडे, (वय २७), रा. देवीभोयरे, असे मयत तरुणाचे नाव आहे.

याबाबतची माहिती अशी की, देवीभोयरे येथील स्वप्निल पांडुरंग सरडे हा मोटारसायकल (क्रमांक. एम.एच. १६ बी.एफ.८५५४) वरून घरी जात होता. वडझिरे येथील न्यू जोगेश्वरी हॉटेलजवळ वडझिरेकडून पारनेरला जाणाऱ्याा (नंबर माहीत

नाही) पिकपने स्वप्निल सरडे याच्या दुचाकीला जोराची धडक दिली. या अपघातात स्वप्निल याच्या पोटाला व डोक्याला जबर मार लागल्याने त्याचा जागीच मृत्यू झाला. स्वप्निल हा आई- वडिलांना एकुलता एक होता, असे समजते. अपघातानंतर मृतदेह उत्तरीय तपाणीसाठी पारनेर ग्रामीण रुग्णालयामध्ये पाठविला आहे. याबाबत पारनेर पोलिस ठाण्यात गुन्हा दखल करण्यात आला आहे. पुढील तपास पारनेर पोलीस स्टेशनचे पोलीस निरीक्षक संभाजी गायकवाड यांच्या मार्गदर्शनाखाली पारनेर पोलीस करत आहेत.

Web Title: A lone youth dies after being hit by a pickup Accident