अहमदनगर: धनादेश न वटल्याने कर्जदारास ६ महिन्यांची शिक्षा
Breaking News | Ahmednagar: आरोपीस ६ महिन्यांची साधी कैदेची शिक्षा ठोठावली.
कोपरगाव: शहरातील ज्योती सहकारी पतसंस्था यांचेकडून कर्जदार अक्षय राजेंद्र मोर्डेकर यांनी घेतलेल्या कर्जाचे परतफेडीपोटी पतसंस्थेला दिलेला ५ लाख रुपयाचा चेक न वटल्याने पतसंस्थेने त्यांचेवर रितसर कोपरगाव येथील न्यायालयात फौजदारी गुन्हा दाखल केला होता.
त्यामध्ये चौकशीअंती आरोपी अक्षय राजेंद्र मोर्डेकर यांनी गुन्हा केल्याचे निष्पन्न झाल्याने कोपरगाव येथील न्यायाधिश भगवान पंडित यांनी आरोपीस ६ महिन्यांची साधी कैदेची शिक्षा ठोठावली. फिर्यादी ज्योती सहकारी पतसंस्थेस ६ लाख ५० हजार रुपयाची नुकसान भरपाई देण्याचा आदेश केला. तसेच नुकसान भरपाईची रक्कम एक महिन्यात पतसंस्थेस न दिल्यास आरोपीस पुन्हा ६ महिन्याची सक्तमजुरीची शिक्षा सुनावली आहे. याकामी अॅडव्होकेट एस. डी. काटकर यांनी कामकाज पाहिले.
Web Title: 6 months punishment for debtor for non-cashing of cheque
See also: Latest Marathi News, Breaking News live, Education Study
