अहिल्यानगर: बस-दुचाकी अपघातात तरुणाचा मृत्यू
Ahilyanagar Accident: बस व दुचाकीच्या अपघातात दुचाकीवरील तरुणाचा मृत्यू.
अहिल्यानगर: बस व दुचाकीच्या अपघातात दुचाकीवरील तरुणाचा मृत्यू झाला. अण्णासाहेब मच्छिंद्र मोकाटे (वय ४० रा. इमामपूर ता. नगर) असे मयत तरुणाचे नाव आहे. अहिल्यानगर ते छत्रपती संभाजीनगर रस्त्यावर खोसपुरी (ता. नगर) शिवारात सिंहगड हॉटेलसमोर मंगळवारी (१२ नोव्हेंबर) सायंकाळी ५:५० वाजेच्या सुमारास ही घटना घडली.
याप्रकरणी मयत अण्णासाहेब मोकाटे यांच्या पत्नी आश्विनी अण्णासाहेब मोकाटे यांनी दिलेल्या फिर्यादीवरून शिवाई बस (एमएच १२ व्हीएफ ४०३४) चालक हनुमान भगवान गिते (पूर्ण पत्ता नाही, रा. बीड) याच्याविरूध्द गुरूवारी (१४ नोव्हेंबर) सायंकाळी एमआयडीसी पोलीस ठाण्यात गुन्हा दाखल करण्यात आला आहे. अण्णासाहेब मोकाटे हे मंगळवारी सायंकाळी त्यांच्याकडील दुचाकीवरून (एमएच १६ एएम ६६३७) अहिल्यानगर ते छत्रपती संभाजीनगर रस्त्याने जात असताना खोसपुरी शिवारात सिंहगड हॉटेलसमोर बस चालक हनुमान गिते याने बसची दुचाकीला धडक दिली. या धडकेत गंभीर जखमी झालेल्या अण्णासाहेब मोकाटे यांचा मृत्यू झाला. बस चालकाने त्याच्या ताब्यातील बस ही हयगयीने व अविचाराने रस्त्याच्या परिस्थितीकडे दुर्लक्ष करून भरधाव वेगात चालवून जोराची धडक देऊन अपघात केला असल्याचे फिर्यादीत नमूद केले आहे. अधिक तपास पोलीस अंमलदार शेख करत आहेत.
Web Title: Youth dies in bus-bicycle accident
See also: Latest Marathi News, Breaking News live, Education Study
