संगमनेर: पत्ते खेळून येणाऱ्या तरुणावर चॉपरने वार

June 7, 2024

Breaking News | Sangamner Crime: युवकाला शिवीगाळ करत त्याच्यावर चॉपरने वार करण्यात आल्याची घटना.

संगमनेर: पत्ते खेळून येत असलेल्या युवकाला शिवीगाळ करत त्याच्यावर चॉपरने वार करण्यात आल्याची घटना मंगळवारी (दि.४) दुपारी दोन वाजेच्या सुमारास संगमनेर तालुक्यातील सारोळे पठार येथे घडली. या प्रकरणी घारगाव पोलिस ठाण्यात ४४ वर्षीय व्यक्तीविरोधात जखमी झालेल्या युवकाने दिलेल्या फिर्यादीवरून गुन्हा दाखल झाला आहे.

हसन बनेमिया मोमीन (वय ४४, रा. सारोळे पठार, ता. संगमनेर) असे गुन्हा दाखल झालेल्याचे नाव आहे. रवींद्र अंकुश चव्हाण (वय २६, रा. टाहाकरी, ता. अकोले) असे जखमी झालेल्या युवकाचे नाव आहे.

याबाबत माहिती अशी की, सारोळे पठार येथे आश्रम शाळेच्या मागे पत्ते खेळून झाल्यावर चव्हाण हा घरी निघाला होता. त्यावेळी मोमीन याने चव्हाण याला शिवीगाळ करण्यास सुरुवात केली. कारण विचारले असता मोमीन याने त्याच्याकडील चॉपरने चव्हाण याच्या पाठीवर वार केले. यात तो गंभीर जखमी झाला. त्याच्यावर संगमनेरातील एका खासगी रुग्णालयात उपचार सुरू आहेत.

Web Title: young man playing cards was hit with a chopper Crime Filed