बर्निग कारचा थरार! तीन मुले एक मुलगी पसार, विनानंबर गाडी
Breaking News | Ahmednagar: सुमारास विना नंबरची मारुती कार रस्त्यालगत असलेल्या झाडाला धडक देऊन पलटी झाली. यातून तीन मुले व एक मुलगी बाहेर पडून पसार झाले. यानंतर काही वेळातच गाडीने घेतला पेट. (burning car)
पारनेर: पारनेर तालुक्यातील भाळवणी- जामगाव रोडवर भाळवणी पासून एक किलोमीटर अंतरावर असलेल्या विद्युत उपकेंद्रानजीक मंगळवारी (दि.७) दुपारी १२ च्या सुमारास विना नंबरची मारुती कार रस्त्यालगत असलेल्या झाडाला धडक देऊन पलटी झाली. यातून तीन मुले व एक मुलगी बाहेर पडून पसार झाले. यानंतर काही वेळातच गाडीने पेट घेतल्यामुळे नागरिकांना बर्निंग कारचा थरार पाहावयास मिळाला.
पोलीसांनी दिलेल्या माहितीनुसार सदरची कार भाळवणीहून जामगावच्या दिशेने जात असताना चालकाचे कारवरील नियंत्रण सुटल्याने सदरची कार रस्त्याच्या कडेला असलेल्या झाडाला धडकून कडेच्या चारीत पलटी झाली. यानंतर काही वेळातच गाडीने पेट घेतला. गाडी विझविण्यासाठी कोणतीही यंत्रणा उपलब्ध
नसल्यामुळे गाडी पूर्णतः जळून खाक झाली. तत्पुर्वी गाडीमध्ये तीन मुले व एक मुलगी असल्याचे समजले. यातील मुले व एक मुलगी गाडीची काच फोडून बाहेर आल्याने ते बालंबाल बचावले. हे सर्वजण घाबरल्याने घटनास्थळापासून पसार झाले. यामुळे त्यांची नावे समजू शकली नाहीत. या घटनेच्या आवाजाने नजिकच्या घरातील नागरिक भयभीत झाले तसेच घटनास्थळावर नागरिकांची गर्दी मोठ्या प्रमाणात झाली होती. या घटनेतील मुले व मुलगी पसार झाल्यामुळे ही घटना नाजूक संबंधातून घडली असल्याचे नागरिकांमधून बोलले जातात आहे, तर घटनेतील गाडीवर नंबर प्लेट नसल्यामुळे ही गाडी चोरीची असल्याची शक्यता व्यक्त होत आहे. यासंदर्भात पारनेर पोलिसांची संपर्क साधला असता या घटनेची नोंद झाली नसल्याची माहिती मिळाली आहे.
Web Title: thrill of burning car Three boys one girl Pasar, unnumbered car
See also: Latest Marathi News, Breaking News live, Education Study
