Home क्राईम धक्कादायक! मुलींना जीवे मारण्याची धमकी देत महिलेवर अत्याचार

धक्कादायक! मुलींना जीवे मारण्याची धमकी देत महिलेवर अत्याचार

November 3, 2023

Jamner Crime: मुलींना जीवे ठार मारण्याची धमकी देत २९ वर्षीय महिलेवर अत्याचार केल्याचा धक्कादायक प्रकार.

जळगाव : मुलींना जीवेठार मारण्याची धमकी देत २९ वर्षीय महिलेवर अत्याचार केल्याचा धक्कादायक प्रकार जामनेर तालुक्यातून समोर आला आहे. याप्रकरणी संशयित नराधमाविरुद्ध पोलीस ठाण्यात गुन्हा दाखल करण्यात आला असून त्याला अटक करण्यात आली आहे.

याबाबत अधिक माहिती अशी की, २९ वर्षीय महिला आपल्या दोन मुली व परिवारासह जामनेर तालुक्यातील एका गावात वास्तव्याला असून ३० सप्टेंबर रोजी रात्री ११ वाजता गावात राहणारा विक्की सुरेश पाटील (वय-२५) हा पिडीत महिलेच्या घरात घुसून तिच्या मुलींना जीवेठार मारण्याची धमकी देत तिच्यावर अत्याचार केला.

हा प्रकार घडल्यानंतर सुरूवातीला कुणालाही सांगितला नाही. त्यानंतर बुधवारी १ नोव्हेंबर रोजी जामनेर पोलीस ठाण्यात धाव घेवून विक्की पाटील याच्या विरोधात फिर्याद दाखल केली आहे. त्यानुसार संशयित आरोपी विक्की सुरेश पाटील याच्या विरोधात जामनेर पोलीस ठाण्यात गुन्हा दाखल करण्यात आला. गुन्हा दाखल होताच संशयित आरोपीला विक्की पाटील याला अटक करण्यात आली. अधिक तपास पोलीस उपनिरीक्षक सागर काळे करीत आहे.

Web Title: Threatened to kill the girls, abused the woman