अकोले ब्रेकिंग: पतीने पत्नीच्या अंगावर कुऱ्हाडीने वार करून केला खून
Breaking News | Akole: पतीने आपल्या पत्नीवर कुऱ्हाडीने वार करीत तिची हत्या केल्याची घटना.
राजूर: अकोले तालुक्यातील राजूर पोलीस ठाण्यातील हद्दीत शिळवंडी गावात पतीने आपल्या पत्नीवर कुऱ्हाडीने वार करीत तिची हत्या केल्याची घटना समोर आली आहे.
अकोले तालुक्यातील आदिवासी दुर्गम भागातील शिळवंडी गावात राहणाऱ्या संतोष साबळे याने आपली पत्नी सुनीता साबळे हिच्यावर आज सोमवारी सकाळी ११ वाजेच्या सुमारास कोयत्याने व कुऱ्हाडीने आपल्या पत्नीवर राहत्या घरी वार केले. अंगावर कोयत्याने मार झाल्याने सुनिता साबळे रक्ताच्या थारोळ्यात पडली आणि तिने आपला प्राण सोडला. काही वेळाने आरोपी संतोष साबळे राजूर पोलीस ठाण्यात हजर झाला. त्याने केलेल्या खुनाची स्वतः कबुली दिली. राजूर पोलीस ठाण्याचे सहायक पोलीस निरीक्षक दीपक सरोदे व त्यांचे पथक घटनास्थळी दाखल झाले. यावेळी मृतदेहाचा पंचनामा करण्यात आला. मृतदेह राजूर ग्रामीण रुग्नालायात पाठविण्यात आला. यावेळी गावात नागरिकांनी मोठी गर्दी केली होती. पतीने आपल्या पत्नीचा खून का केला हे अद्याप समोर आले नसून चारित्र्याच्या संशयावरून हा खून झाल्याचे बोलले जात आहे. पोलीस तपासात नेमके कारण समोर येईल. संतोष साबळे याच्यावर गुन्हा दाखल करण्याचे काम सुरु आहे. या घटनेने परिसर हादरला आहे.
Web Title: The husband killed his wife by stabbing her with an axe
See also: Latest Marathi News, Breaking News live, Education Study
