स्वीप्ट कार व ट्रॅक्टरची समोरासमोर धडक, अपघातात एकाचा मृत्यू

Breaking News | Ahmednagar:  स्वीप्ट कार व ट्रॅक्टरची समोरासमोर धडक होऊन झालेल्या अपघातात एकाचा मृत्यू झाल्याची घटना.

अहमदनगर: स्वीप्ट कार व ट्रॅक्टरची समोरासमोर धडक होऊन झालेल्या अपघातात एकाचा मृत्यू झाला असून चार जण जखमी झाले आहेत. नगर सोलापूर महामार्गावर दरेवाडी (ता. नगर) शिवारात ही घटना घडली. प्रमोद विष्णू कवळे (वय ४२ रा. नागलवाडी ता. कर्जत) असे मयत व्यक्तीचे नाव आहे.

अपघातात प्रवीण हनुमंत कवळे, यश महादेव गरड, वैष्णवी महादेव गरड व सारीका महादेव गरड (सर्व रा. नागलवाडी ता. कर्जत) हे जखमी झाले आहेत. त्यांच्यावर नगर शहरातील खासगी रुग्णालयात उपचार सुरू आहेत. प्रमोद कवळे व इतर त्यांच्या स्वीप्ट कारमधून नगर – सोलापूर महामार्गावरून प्रवास करत असताना मंगळवारी (दि. २६) रात्री साडेदहाच्या सुमारास दरेवाडी शिवारात एमआयआरसीच्या आठ नंबर गेटसमोर त्यांच्या कारला ट्रॅक्टरची धडक बसून अपघात झाला. या अपघातात गंभीर जखमी झालेल्या प्रमोद यांना उपचारासाठी जिल्हा शासकीय रुग्णालयात दाखल करण्यात आले असता त्यांना डॉक्टरांनी मृत घोषित केले. इतर जखमी चौघांवर खासगी रुग्णालयात उपचार सुरू आहेत.

याप्रकरणी जिल्हा शासकीय रुग्णालयातील डॉ. पोळे यांनी दिलेल्या खबरीवरून नगर तालुका पोलीस ठाण्यात आकस्मात मृत्यूची नोंद करण्यात आली आहे. अधिक तपास पोलीस अंमलदार एम. टी. विधाते करत आहेत.

Web Title: swept car and a tractor collided head-on, one person died in the accident

See also: Latest Marathi News,  Breaking News live,  Education Study