अहमदनगर: तरुणाची गळफास घेऊन आत्महत्या
Breaking News | Ahmednagar: लिंबाच्या झाडाला गळफास घेऊन आत्महत्या (Suicide) केल्याची घटना.
श्रीरामपूर: श्रीरामपूर तालुक्यातील वडाळा महादेव येथील ग्रामपंचायत परिसरात मिलिंद सुरेश राठोड (वय २२) या तरुणाने रात्रीच्या सुमारास लिंबाच्या झाडाला गळफास घेऊन आत्महत्या केल्याची घटना घडली.
काल पहाटे ५ वाजेच्या सुमारास वडील नेहमीप्रमाणे उठले असता घरासमोरील लिंबाच्या झाडाला मुलाचा मृतदेह लटकलेल्या अवस्थेत असल्याचे त्यांना आढळून आले. सुरेश राठोड यांनी घटनेची माहिती नातेवाईकांना कळविली. यावरून ग्रामस्थ व ग्रा. पं. पदाधिकारी यांनी श्रीरामपूर शहर पोलीस स्टेशनला माहिती दिली. या तरुणाच्या आत्महत्येचे नेमके कारण समजू शकले नाही.
पोलीस हवालदार संतोष परदेशी, पोलीस नाईक किरण टेकाळे, पोलीस कॉन्स्टेबल प्रविण कांबळे, संभाजी खरात यांनी घटनास्थळी येवून पहाणी केली. सदरचा मृतदेह श्रीरामपूर येथील साखर कामगार रुग्णालय येथे शवविच्छेदनासाठी पाठविण्यात आला. पुढील तपास श्रीरामपूर शहर पोलीस करत आहेत.
Web Title: Shrirampur Youth committed suicide by hanging
See also: Latest Marathi News, Breaking News live, Education Study
