Home क्राईम किराणा दुकान फोडले, लाखो रुपयांचा माल लंपास

किराणा दुकान फोडले, लाखो रुपयांचा माल लंपास

November 9, 2020

शेवगाव | Shevgaon: चोरट्यांनी शहरातील पैठण रोडवरील सार्थक किराणा स्टोअर्सचे पत्रे उचकटून तब्बल एक लाख ८७ हजार रुपयांचा किराणा माल चोरून नेल्याची घटना घडली आहे. तसेच शुभम अग्रो एजन्सी या कृषी सेवा दुकानातून १ लाख १ हजार रुपयांचा माल चोरून नेला आहे.

याबाबत सविस्तर माहिती अशी की, पैठण रस्त्यावरील सार्थक किराणा स्टोअर्स शुभम एजन्सी ही दोन्ही दुकाने पत्र्याच्या सहायाने तयार केलेली असून मागील बाजूस बाभळी व घाणीचे साम्राज्य असल्याने चोरीसाठी मागील बाजूने पत्रे काढून दुकानात प्रवेश करता येथो. त्यामुळे सणासुदीच्या मोठ्या प्रमाणात भरलेला माल लंपास केला आहे. शनिवारी ७ नोव्हेंबर रोजी पहाटे २ ते ४ वाजेच्या दरम्यान पत्रे एका बाजूने कापून आत प्रवेश केला. तसेच याच दुकानातून आतील बाजूने पत्रे कापून सार्थक किराणा स्टोअर्समध्ये प्रवेश केला. त्यानंतर दुकानातील किराणा सामान असा सुमारे दोन लाख ८ हजार रुपयांचा माल लंपास केला. एकास पत्र्याने दुखापत झाल्याने रक्त तेथे आढळून आले.