संगमनेर: एकाला घरात घुसून बेदम मारहाण

March 17, 2024

Breaking News | Sangamner Crime: चौघांनी घरात घुसून एका वृद्धाला बेदम मारहाण केल्याची घटना.

संगमनेर: तालुक्यातील राजापूर येथे चौघांनी घरात घुसून एका वृद्धाला बेदम मारहाण केल्याची घटना शुक्रवार दि. १५ मार्च रोजी सायंकाळी सहा वाजेच्या सुमारास घडली. याप्रकरणी संगमनेर शहर पोलिसांत चौघांवर विविध कलमान्वये गुन्हा दाखल झाला आहे.

याप्रकरणी शहर पोलिसांकडून समजलेली अधिक माहिती अशी, की विकास उर्फ गुज्जर नामदेव हासे, बाळासाहेब उर्फ बाळू नामदेव हासे, समाधान शिवाजी हासे व संतोष रावसाहेब हासे यांनी संगनमत करुन सुखदेव गंगाधर हासे (वय ६४) यांना घरात घुसून लाकडी दांड्याने गंभीर दुखापत केली. सध्या त्यांच्यावर खासगी रुग्णालयात उपचार सुरू आहे.

याप्रकरणी जखमी सुखदेव हासे यांनी दिलेल्या फिर्यादीवरुन वरील चौघांवर गुरनं. २३२/२०२४ भादंवि कलम ३२६, ४५२, ३२३, ५०४, ५०६, ३४ नुसार गुन्हा दाखल झाला आहे. अधिक तपास पोलीस निरीक्षक भगवान मथुरे यांच्या मार्गदर्शनाखाली महिला पोहेकॉ. वायकर या करत आहे.

Web Title: Sangamner Crime person was beaten by breaking into the house