संगमनेर: कारचालकाला आडवा होऊन गलोलीने केली मारहाण
Breaking News | Sangamner: कारमधून जाणाऱ्यास एकाने आडवा होऊन गलोलीने कारची काच फोडली. यावरच न थांबता त्याने काही बोलण्याच्या आतच गलोलीने मारहाण करून जखमी केल्याची घटना.
संगमनेर: शहरातील शारदा हायस्कूलसमोरुन कारमधून जाणाऱ्यास एकाने आडवा होऊन गलोलीने कारची काच फोडली. यावरच न थांबता त्याने काही बोलण्याच्या आतच गलोलीने मारहाण करून जखमी केल्याची घटना नुकतीच घडली आहे. याप्रकरणी संगमनेर शहर पोलिसांत गुन्हा दाखल झाला आहे.
याबाबत शहर पोलिसांकडून मिळालेली अधिक माहिती अशी, शहरातील चव्हाणपुरा येथील खासगी नोकरी करणारे किरण हरिभाऊ बोबडे हे कारमधून (क्र. एमएच. १६, एटी.०३३९) शारदा हायस्कूल समोरून जात होते. त्याचवेळी रस्त्याच्या मधोमध साई शरद सूर्यवंशी (रा. अकोले नाका, संगमनेर) हा जात होता. त्याने गाडीला आडवा होऊन बोबडे यांना थांबवून शिवीगाळ केली. ते खाली उतरत असताना त्याने गलोलीने गाडीची उजव्या बाजूची मागची काच फोडली. एवढ्यावरच न थांबता त्याने गलोलीने बोबडे यांना मारहाण करून जखमी केले. याप्रकरणी किरण बोबडे यांनी दिलेल्या फिर्यादीवरून शहर पोलिसांनी साई सूर्यवंशी याच्यावर विविध कलमान्वये गुन्हा दाखल केला आहे. अधिक तपास पोलीस निरीक्षक भगवान मथुरे यांच्या मार्गदर्शनाखाली पोहेकॉ. पारधी करत आहेत.
Web Title: Sangamner Crime car driver was beaten up by a galoli
See also: Latest Marathi News, Breaking News live, Education Study
