संगमनेर शहरात तरुणाला लाथाबुक्क्यांसह दगडाने मारहाण, दहा जणांवर गुन्हा
Breaking News | Sangamner Crime: एका तरुणाला चौघांसह इतर अनोळखी नऊ ते दहा जणांनी शिवीगाळ करुन लाथाबुक्क्यांसह दगडाने मारहाण केल्याची घटना.
संगमनेर: शहरातील रंगार गल्ली येथील एका तरुणाला चौघांसह इतर अनोळखी नऊ ते दहा जणांनी शिवीगाळ करुन लाथाबुक्क्यांसह दगडाने मारहाण केली. ही घटना शुक्रवार दि. १५ मार्च रोजी रात्री साडेआठ वाजेच्या सुमारास साईनगर येथे घडली.
याबाबत संगमनेर शहर पोलिसांकडून समजलेली अधिक माहिती अशी, संजय बाबासाहेब कुटे (वय ३५) हे शुक्रवारी रात्री साडेआठ वाजेच्या सुमारास घरी जात असताना साईनगर येथे शिवा सातपुते व त्याचा भाऊ, पंकज सातपुते, संकेत कानवडे व इतर अनोळखी नऊ ते दहा जणांनी तुला जास्त झाले आहे, पाहून घेतो असे म्हणून शिवीगाळ करुन लाथाबुक्क्यांनी मारहाण केली. तर शिवा सातपुते याने दगडाने मारहाण केली.
याप्रकरणी संजय कुटे यांनी दिलेल्या तक्रारीवरुन शहर पोलिसांनी वरील चौघांसह अनोळखी दहा जणांवर गुरनं. २३१/२०२४ भादंवि कलम १४३, १४७, १४९, ३२४, ३२३, ५०४, ५०६ नुसार गुन्हा दाखल केला आहे. अधिक तपास पोलीस निरीक्षक भगवान मथुरे यांच्या मार्गदर्शनाखाली पोहेकॉ. सांगळे हे करत आहे.
Web Title: Sangamner city, youth was beaten up with stones, crime against 10 people
See also: Latest Marathi News, Breaking News live, Education Study
