संगमनेर शहरात कापड दुकानास आग, लाखोंचे कपडे व फर्निचर जळाले

Sangamner Cloth Store Fire: प्रसिद्ध दुनियादारी कलेक्शन आणि स्पोर्ट्स या कापड दुकानास शार्ट सर्किटमुळे भीषण आग लागल्याची घटना.

संगमनेर: शहरातील नवीन अकोले रोडवरील प्रसिद्ध दुनियादारी कलेक्शन आणि स्पोर्ट्स या कापड दुकानास शार्ट सर्किटमुळे भीषण आग लागल्याची घटना गुरुवारी सकाळी साडे आठ वाजेच्या सुमारास घडली.  या आगीत दुकानातील महागडे कपडे, फर्निचर जळून, इलेक्ट्रीक साहित्य जळून व कपडे भिजून सुमारे २५ ते ३० लाखांचे नुकसान झाले आहे. मात्र अग्निशामक दलाने तातडीने धाव घेतल्याने मोठी हानी टळली.

याबाबत माहिती अशी की, अकोले रोड वरील येथील राहुल वर्पे यांच्या मालकीचे दुनियादारी कलेक्शन अॅन्ड स्पोर्ट्स हे कापड दुकान आहे. आज सकाळी दुकान बंद असताना अचानक दुकानातून धूर निघू लागला. हळूहळू आग लागल्याने कपड्यांनी पेट घेतला. दुकान बाहेरून बंद असल्याने आग भडकण्याची शक्यता होती. परंतु दुकानाचे शटर लवकर उघडण्यात आले. तसेच अग्निशामक दलाने तातडीने धाव घेतल्याने आगीवर लवकर नियंत्रण मिळविण्यात यश मिळाले. मात्र आग धूर यामुळे दुकानातील कपडे, फर्निचर छताचे मोठे नुकसान झाले. शोर्ट सर्किटमुळे आग लागल्याची शक्यता वर्तविण्यात येत आहे.

Web Title: Sangamner city, a fire broke out at a textile shop, clothes and furniture worth lakhs were burnt

See Latest Marathi News, Ahmednagar News, and Download Now Sangamner Akole News Ahmednagar Live App