हातपाय बांधून नाकाला गुंगीचे औषध लावून तरुणीवर बलात्कार

पुणे | नेवासा:  एका तरुणीचे हातपाय बांधून नाकाला गुंगीचे औषध लावून अपहरण करून अहमदनगर जिल्ह्यातील नेवासा येथील लॉजवर नेऊन बलात्कार केल्याची घटना उघडकीस आली आहे.

याप्रकरणी चंदननगर पोलिसांनी एकाला अटक केली असून दोन साथीदार यांच्यावर गुन्हा दाखल केला आहे.

सागर मोहन सातव वय २८ रा. सातव वस्ती वाघोली असे अटक केलेल्या आरोपीचे नाव आहे. याप्रकरणी वडगाव शेरी येथील २८ वर्षीय तरुणीने चंदननगर पोलीस ठाण्यात फिर्याद दिली आहे.

ही तरुणी आणि सागर सातव हे एकमेकांच्या ओळखीचे आहे. तरुणी ही सोमवारी रात्रीच्या वेळी सोमनाथ नगर येथून रस्त्याने पायी जात असताना यावेळी सागर चार चाकी गाडी घेऊन आला. व तिला बळजबरीने गाडीत बसण्यास भाग पाडले. त्यानंतर त्याने दोन मित्रांना बोलावून घेतले. त्यांनी या तरुणीचे हातपाय बांधून तिच्या नाकाला गुगीचे औषध लावून अर्धवट बेशुद्ध करत अहमदनगर जिल्ह्यातील नेवासा येथील लॉजवर नेऊन तिच्यावर बलात्कार केला. या पिडीत तरुणीच्या तक्रारीवरून चंदननगर पोलीस ठाण्यात तीन जाणांविरोधात गुन्हा दाखल केला आहे.

Web Title: Rape of a young girl by tying her hands