पंजाबराव डख म्हणतात, ‘या’ 5 जिल्ह्यांमध्ये पाऊस धिंगाणा घालणार
Panjab Dakh Rain Alert: मुंबई, ठाणे, पालघरसह कोकण, मराठवाडा, विदर्भ आणि खानदेश परिसरात हवामानात झालेल्या बदलामुळे पावसाची शक्यता अधिक वाढली.
Panjab Dakh:- सध्या महाराष्ट्रात वातावरणात मोठ्या प्रमाणावर बदल होत असून, संपूर्ण राज्यात पावसाच्या सरी कोसळत आहे. विशेषतः मुंबई, ठाणे, पालघरसह कोकण, मराठवाडा, विदर्भ आणि खानदेश परिसरात हवामानात झालेल्या बदलामुळे पावसाची शक्यता अधिक वाढली आहे.
काही भागांमध्ये तर गडगडाटासह मुसळधार पावसाची नोंद घेतली जात आहे. त्यामुळे नागरिकांनी सतर्क राहणं गरजेचं आहे. हवामान अभ्यासक पंजाबराव डख यांनी याबाबत अंदाज वर्तवला असून, पुढील दोन दिवस महाराष्ट्रात विशेषत: मुंबई, ठाणे आणि पालघर या परिसरात जोरदार पावसाचा इशारा त्यांनी दिला आहे.
वाऱ्यांचा वेग ताशी ३० ते ४० किलोमीटरपर्यंत राहण्याची शक्यता या भागांत वाऱ्याचा वेग ताशी ३० ते ४० किलोमीटरपर्यंत असू शकतो, तर काही ठिकाणी गडगडाट, वीजांचा कडकडाट आणि पावसाची तीव्र सरी पडण्याची शक्यता आहे.
या पावसामुळे नागरिकांना उष्णतेपासून दिलासा मिळाल्याचा अनुभव आला असला, तरीही या अचानक होणाऱ्या वातावरणातील बदलामुळे अनेक अडचणींनाही सामोरे जावं लागत आहे. रस्त्यांवर पाणी साचणे, वीजपुरवठा खंडित होणे, वाहतुकीत अडथळे आणि दुर्घटनांचा धोका वाढतो.
या भागात अतिमुसळधार पावसाचा इशारा
विशेषतः कोकण आणि पश्चिम महाराष्ट्रात हवामान खात्याने अतिमुसळधार पावसाचा अंदाज व्यक्त केला आहे. १७ ते २० मे या कालावधीत वीजांच्या कडकडाटासह मुसळधार पावसाची शक्यता आहे.
या पावसामुळे काही भागांत पूरजन्य परिस्थिती निर्माण होऊ शकते, म्हणून स्थानिक प्रशासन सतर्क राहण्याचे आणि नागरिकांनी आवश्यक ती काळजी घेण्याचे आवाहन करत आहे.
कोकणातील वातावरण सध्या अगदीच मान्सूनच्या आगमनाची चाहूल देत आहे. मागील आठ ते दहा दिवसांपासून तिथे सतत पावसाच्या सरी कोसळत आहेत. हवामानातील अशा प्रकारच्या सातत्यपूर्ण बदलांमुळे शेतकरीवर्ग मात्र थोडासा सुखावलेला आहे.
उन्हाच्या तीव्रतेमुळे शेतीचे मोठ्या प्रमाणात नुकसान होण्याची शक्यता होती, परंतु या पूर्वमोसमी पावसामुळे जमिनीत ओलावा निर्माण झाला आहे.
त्यामुळे खरीप हंगामासाठी जमिनीची मशागत करण्यास मदत होणार आहे. तरीही, जोरदार वादळी वाऱ्यांसह पाऊस झाल्यास उभी पिकं आणि फळबागांना धोका पोहोचू शकतो, याचीही दक्षता घेणं गरजेचं आहे.
Breaking News: Panjab Dakh Dhingana pouring rain in 5 districts
