अकोले: पिकअप- दुचाकी अपघातात एक ठार; एक जखमी
Breaking News | Akole: येणाऱ्या दुचाकीला पिकअप गाडीने जोरदार धडक दिली. या अपघातात तरुण ठार.
अकोले : तालुक्यातील सुगाव बुद्रुक फाटा येथे शिदवड फाट्याकडून अकोलेकडे येणाऱ्या दुचाकीला पिकअप गाडीने जोरदार धडक दिली. या अपघातात मोटारसायकलवरील शंकर रंगनाथ गांडाळ (वय २५, रा. मेंगाळवाडी) हा तरुण ठार, तर भाऊसाहेब ज्ञानदेव पथवे (रा. जामगाव) हा जखमी झाला.
शुक्रवारी रात्री ११:१५ वाजेच्या सुमारास हा अपघात घडला. सुगाव बुद्रुक फाटा येथील विकास वाकचौरे व स्थानिक तरुणांनी मदतीचा हात देत जखमींना अकोले ग्रामीण रुग्णालयात नेले. उपचारापूर्वीच शंकर याचे निधन झाले. भाऊसाहेब यास अकोलेतील खाजगी रुग्णालयात उपचारासाठी दाखल करण्यात आले आहे. दरम्यान, अकोले पोलिसांत मयत शंकर याचे वडील रंगनाथ रामभाऊ गांडाळ (वय ५५) यांच्या फिर्यादीवरून अकस्मात मृत्यूची नोंद करण्यात आली आहे.
Web Title: One killed in pickup-bike accident one injured
See also: Latest Marathi News, Breaking News live, Education Study
