अहमदनगर: पिकअप उलटून एकाचा मृत्यू, १० महिला जखमी
Breaking News | Ahmednagar: शेतमजुरांना घेऊन जाणारी पिकअप पलटी होऊन एक जणाचा मृत्यू तर १० ते १२ महिला जखमी.
पाथर्डी: शेतमजुरांना घेऊन जाणारी पिकअप पलटी होऊन एक जणाचा मृत्यू तर १० ते १२ महिला जखमी झाल्या आहेत. अपघाताची घटना तालुक्यातील माणिकदौंडी घाटाच्या वरील असलेल्या चकेवाडी गावानजिक धोकादायक वळणावर घडली आहे. भास्कर निवृत्ती शेळके (वय ४२ रा. माणिकदौंडी) असे अपघातामध्ये मयत झालेल्या व्यक्तीचे नाव आहे.
१० ते १२ महिला व पुरूष कामगार हे शेत कामासाठी बुधवारी सकाळी मालवाहतूक पिकअप जीपमधून माणिकदौंडीवरून पाथर्डीकडे जात असताना माणिकदौंडी गावापासून दोन किलोमीटर अंतरावर हे वाहन वळणावर पलटी झाले. अपघाताची घटना कळताच परिसरातील स्थानिक नागरिकांनी पाथर्डीच्या रूग्णालयात अपघातग्रस्तांना उपजिल्हा प्रारथमिक उपचारासाठी हलवले. यात एक पुरूष व आठ महिला गंभीररित्या जखमी झाल्याने त्यांना नगर येथे उपचारासाठी रवाना करण्यात आले. त्यातील भास्कर शेळके हे उपचारादरम्यान मृत पावले आहे. शमशाद जावेद शेख, मनीषा ज्ञानेश्वर शेळके, प्राची राजू पगारे, हजराबी रसूल सय्यद, नायरा अकबर पठाण,
सिंधू रमेश गायकवाड, अनिता एकनाथ शेळके, परविन पठाण, अफसाना शेख (सर्व रा. माणिकदौंडी) या सर्व नऊ जखमींवर पाथर्डीच्या उपजिल्हा रुग्णालयात उपचार करून त्यांना पुढील उपचारासाठी नगरला हलवण्यात आले होते. या घटनेत अन्य तीन व्यक्ती जखमी झाल्या असून त्यांची नावे कळू शकली नाही.
अपघाताची माहिती मिळताच पोलीस निरीक्षक संतोष मुटकुळे यांच्या मार्गदर्शनाखाली पोलीस हवालदार सुहास गायकवाड, विजय काळोखे, सोमा घुगे यांनी घटनास्थळी धाव घेतली होती.
Web Title: One dead, 10 women injured after pickup overturns
See also: Latest Marathi News, Breaking News live, Education Study
