पुरात वाहून जाणाऱ्या तरुणाला गावकर्यांनी वाचविले

नेवासा | Nevasa: रविवारी दुपारी नेवासा तालुक्यातील शिरेगाव खरवंडी रस्त्यावर असलेल्या पुलावरून पाणी वाहून जात असलेल्या तरुणाला शिरेगावाच्या ग्रामस्थांनी मोठ्या शिताफीने वाचविले.

पुलावरून पाणी वाहत जात असताना तरुणाने आपल्या पत्नीला खाली उतरवीत स्वतः मोटारसायकल पाण्यात घालण्याचे धाडस केले. मात्र या तरुणाला पाण्याचा अंदाज न आल्याने तरुण प्रवाहासोबत वाहून गेला. तो तरुण या नदीत झाडाला अडकल्याने तो झाडाला घट्ट पकडून धरत जीव वाचविण्याचा प्रयत्न केला.

त्याच्या पत्नीने आरडाओरडा करत शेजारील वस्तीवरील तरुण पळत येऊन त्यांनी दोरखंड आणून त्या दोरखंडाने तरुणास ओढून बाहेर काढले. हा चित्तथरारक प्रकार जवळपास अर्धा तास सुरु होता. रविवारी दुपारच्या वेळेस हा सर्व प्रकार घडला. हे सर्व चित्र सीसीटीव्ही कॅमेरात टिपले गेले आहे. वाहून जाणाऱ्या तरुणाने गावातील युवकांचे आभार व्यक्त केले.  

See:  Latest Entertainment News, Latest Marathi News, and Latest Marathi News Live

Web Title: Nevasa villagers rescued the youth who was swept away by the floods