Rape Case | नराधम बापानेच केला पोटच्या मुलीवर बलात्कार
अकोला: बाप लेकीच्या नात्याला काळिमा फासणारी संतापजनक घटना समोर आली आहे. एका नराधम बापाने स्वतः च्या मुलीवर सातत्याने अत्याचार करीत तिला गर्भवती केल्याची घटना शेलू वेताळ शिवारात घडली आहे, याप्रकरणी आरोपी बापाला अटक केली आहे.
शेलू वेताळ येथील एका शेतात मध्य प्रदेशातील बैतूल जिल्ह्यातील कोथूलकुंड येथील एक कुटुंब शेतीत मजुरीचे काम व शेतीची राखण करण्यासाठी आले होते. शेतातील झोपडीत या कुटुंबाचे वास्तव होते. याच कुटुंबातील एका बापाने आपल्या अल्पवयीन मुलीवर सातत्याने अत्याचार करून तिला गर्भवती केल्याची धक्कादायक घटना उघडकीस आली आहे.
तसेच या घटनेबाबत कोणाला काही सांगितल्यास मारण्याची धमकी पित्याने दिली. भीतीपोटी पीडित मुलीने तिच्यावर घडलेल्या अत्याचाराबाबत कोणालाही काही सांगितले नाही. दरम्यान ती पाच महिन्यांची गर्भवती असल्याचे समोर आल्यानंतर पीडितेने मुर्तीजापुर ग्रामीण पोलिसात तक्रार दाखल केली.
यावरून गुन्हा दाखल करण्यात आल्यानंतर पसार झालेल्या आरोपीच्या शोधात पोलिसांनी बैतूल गाठले व आरोपी नराधम बापाला अटक केली. आरोपीला न्यायालयात हजर केले असता न्यायालयाने त्याला २१ जून पर्यंत पोलीस कोठडीत ठेवण्याचे आदेश दिले आहेत.
Web Title: Naradham’s father rape his daughter
