Home अहमदनगर अहमदनगर: डोक्यात फावड्याचा दांडा घालून युवकाचा खून

अहमदनगर: डोक्यात फावड्याचा दांडा घालून युवकाचा खून

September 12, 2023

Ahmednagar News: आर्थिक कारणावरून झालेल्या बाचाबाचीचे रूपांतर भांडणात झाले व फावड्याच्या दांड्याने डोक्यात केलेल्या मारहाणीत युवकाला ठार मारल्याची घटना.

कोपरगाव: तालुक्यातील येसगाव शिवारात आर्थिक कारणावरून झालेल्या बाचाबाचीचे रूपांतर भांडणात झाले व फावड्याच्या दांड्याने डोक्यात केलेल्या मारहाणीत दिपक दादा गांगुर्डे (वय ३५) ह्या युवकाला ठार मारल्याची घटना घडल्याने एकच खळबळ उडाली आहे.

याबाबत अधिक माहिती अशी की, कोपरगाव तालुक्यातील येसगाव शिवारात काही आर्थिक कारणावरून सुरु असलेल्या बातचीतीचे रूपांतर भांडणात झाले व आरोपींनी त्यांच्या ताब्यात असलेल्या फावड्याच्या दांड्याने दीपक दादा गांगुर्डे (वय ३५) या युवकाला डोक्यात गंभीर दुखापत केली. या झालेल्या मारहाणी दीपक गांगुर्डे याचा मृत्यू झाला असून प्रकरणी चार जणांविरुद्ध कोपरगाव पोलीस ठाण्यात गुन्हा दाखल करण्याची प्रक्रिया रात्री उशिरापर्यंत सुरू होती. कोपरगाव तालुका पोलिसांना घटनेची माहिती मिळताच त्यांनी घटनास्थळी धाव घेतली असून आरोपींवर कारवाईची सुरुवात केली आहे. यात सदर घटनास्थळी पंचनामा करून मृतदेह ताब्यात घेतला असून त्यास कोपरगाव ग्रामीण रुग्णालयात शवविच्छेदनासाठी आणण्यात आला आहे.

Web Title: Murder of a youth by hitting the head with a shovel