अहमदनगर: अल्पवयीन मुलीचे अपहरण करुन अत्याचार; आरोपी गजाआड
Breaking News | Ahmednagar: अल्पवयीन महाविद्यालयीन तरुणीला लग्नाचे आमिष दाखवून तिचे अपहरण.
राहुरी: राहुरी तालुक्यातील एका अल्पवयीन महाविद्यालयीन तरुणीला लग्नाचे आमिष दाखवून तिचे अपहरण करण्यात आले. त्यानंतर मुलीला तालुक्याच्या बाहेर नेऊन आई वडिलांना मारुन टाकण्याची धमकी देऊन अत्याचार करण्यात आला. ही घटना दि. २० जानेवारी रोजी घडली आहे. अल्पवयीन मुलगी १२ वीच्या वर्गात शिक्षण घेत आहे. २० जानेवारी दुपारी ११ वाजे दरम्यान महाविद्यालयासमोर उभी होती. तेव्हा आरोपी शुभम सत्रे हा तरुण तेथे आला आणि तरुणीला म्हणाला, माझे तुझ्यावर प्रेम आहे. आपण पळून जाऊन लग्न करू. आरोपी शुभम याने त्या तरुणीला मोटारसायकलवर बसवून गुहा परिसरातील एका हॉटेलवर नेले. त्या ठिकाणी शुभम याने पीडित तरुणीला तिच्या आई-वडिलांना मारुन टाकण्याची धमकी देऊन अत्याचार केला. त्यानंतर त्याने तरुणीला अहमदनगर येथे नेले. तेथून एका चारचाकी वाहनातून नगर ते बिड रस्त्यावर असलेल्या एका गावात नेऊन एका खोलीमध्ये ठेवले. २१ जानेवारी रोजी पहाटेच्या दरम्यान त्या ठिकाणी पीडित मुलीचे चुलत आजोबा आले. त्यांना पाहून शुभम पळून गेला. त्यानंतर आजोबांनी तरुणीला राहुरी येथील तिच्या घरी आणून सोडले. त्यानंतर तरुणीने तिच्या नातेवाईकांसह राहुरी पोलीस ठाण्यात धाव घेऊन फिर्याद दिली.
तिच्या फिर्यादीवरून आरोपी शुभम राजेंद्र सत्रे, रा. देवळाली प्रबरा, ता. राहुरी. याच्यावर भादंवि कलम ३७६ (२), ३६३, ३६६, ५०६ तसेच बाल लैंगिक अत्याचा पासुन संरक्षण कायदा कलम ४,८,१२ प्रमाणे गुन्हा दाखल करण्यात आला आहे. घटनेनंतर आरोपी तरुणाला तात्काळ ताब्यात घेऊन गजाआड केले.
Web Title: Kidnapping and abusing a minor girl Accused
See also: Latest Marathi News, Breaking News live, Education Study
