Home अहमदनगर संगमनेर: सेवानिवृत्त शिक्षकाच्या घरातून दागिने केले लंपास

संगमनेर: सेवानिवृत्त शिक्षकाच्या घरातून दागिने केले लंपास

December 10, 2023

Ahmednagar | Sangamner News: सेवानिवृत्त शिक्षकाच्या बंद घर फोडून चोरट्यांनी आत प्रवेश करत १ लाख ९० हजार रुपये किमतीचे सोन्याचे दागिने चोरट्यांनी लंपास (theft) केल्याची घटना.

संगमनेर : सेवानिवृत्त शिक्षकाच्या बंद घर फोडून चोरट्यांनी आत प्रवेश करत १ लाख ९० हजार रुपये किमतीचे सोन्याचे दागिने चोरट्यांनी लंपास केल्याची घटना शनिवारी (दि. ९) सकाळी ११:३० वाजेच्या सुमारास समोर आली आहे. संगमनेरच्या गणेशनगर येथे ही घटना घडली आहे. याप्रकरणी संगमनेर शहर पोलिस ठाण्यात गुन्हा दाखल झाला आहे.

सोपान विश्वनाथ फटांगरे (वय ६६, सेवानिवृत्त शिक्षक, रा. गणेशनगर परिवार किराणा गल्ली, संगमनेर) यांनी दिलेल्या फिर्यादीवरून पोलिसांनी गुन्हा दाखल करण्यात आला आहे. शुक्रवारी (दि. ८) सकाळी ७ ते शनिवार (दि. ९) सकाळी ११:३० वाजेच्या सुमारास चोरीची घटना घडली. चोरट्यांनी सेवानिवृत्त शिक्षक फटांगरे यांच्या घरात दरवाजाचा कोंडा उचकटून प्रवेश केला.

१ लाख २० हजार रुपये किमतीचे सहा तोळे सोन्याचे गंठण, ६० हजार रुपये किमतीच्या तीन तोळे सोन्याच्या दोन ठुशी व १० हजार रुपये किमतीचे पाच ग्रॅम कानातील झुबे, असा एकूण १ लाख ९० हजार रुपये किमतीचा मुद्देमाल चोरून नेला. संगमनेरात चोरीचे सत्र सुरूच असताना दिसून येत आहे. दिवसेंदिवस अशा घटनांमध्ये वाढ होत असताना तपास मात्र एकाचाही लागत नाही त्यामुळे पोलीस यंत्रणा कुचकामी झाल्याचे समोर आले आहे.

Web Title: Jewels theft from retired teacher’s house