अहमदनगर ब्रेकिंग! पतीने पत्नीच्या डोक्यात हातोडा घालून हत्या
Breaking News | Ahmednagar: घरगुती किरकोळ वादातून पतीने पत्नीच्या डोक्यात हातोडा घालून खून केल्याची घटना समोर आली आहे.
कोपरगाव: अहमदनगर जिल्ह्यातून एक धक्कादायक घटना समोर आली आहे. घरगुती वादातून पतीने पत्नीच्या डोक्यात लोखंडी हातोड्याचा प्रहार करून तिची हत्या केली. अहमदनगर जिल्ह्यातील कोपरगाव तालुक्यात जेऊर पाटोदा शिवारात ही घटना घडली. हातोड्याचा घाव वर्मी बसल्याने पत्नी जागीच गतप्राण झाली. या घटनेने परिसरात एकच खळबळ उडाली आहे.
पूजा अरुण दाभाडे असे मृत महिलेचे नाव आहे. जेऊर पाटोदा शिवारात सोमवारी दुपारच्या सुमारास ही घटना घडली. मृत पूजा व अरुण हे दाम्पत्य जेऊर पाटोदा परिसरात गेल्या अनेक वर्षापासून रहात होते. आज दुपारच्या सुमारास दोघांमध्ये कोणत्यातरी कारणाने भांडण झाले. वाद विकोपाला गेल्यानंतर संतापाच्या भरात अरुणने पूजाच्या डोक्यात हातोड्याने जोरदार प्रहार केला. यात पूजाचा मृत्यू झाला आहे.
या घटनेची माहिती परिसरातील नागरिकांनी कोपरगाव शहर पोलीस ठाण्यात दिली. पोलीस घटनास्थळी दाखल झाले असता त्यांना मृतदेह रक्ताच्या थारोळ्यात पडलेला दिसला. दाम्पत्यामध्ये कोणत्या कारणावरून वाद झाला व महिलेची हत्या कोणत्या कारणातून झाली, हे अद्याप समोर आले नाही. पोलीस या प्रकरणाचा अधिक तपास करत असून आरोपी पतीला पोलिसांनी ताब्यात घेतले आहे. या घटनेने परिसरात खळबळ उडाली आहे.
Web Title: Husband killed his wife by hitting her on the head with a hammer
See also: Latest Marathi News, Breaking News live, Education Study
