Accident: गॅस टॅंकर कारला धडकल्याने भीषण अपघात, गॅस टॅंकर उलटला, तीन ठार
मावळ | Pune: मुंबई- पुणे एक्स्प्रेस वेवर खंडाळा घाटातील खोपोली एक्झिटजवळ तीव्र उतारावरती गॅस टॅंकरचा भीषण अपघात (accident) झाला आहे. गॅस टॅंकरच्या चालकाचे वाहनावरील नियंत्रण सुटल्याने टँकर पुढे असणाऱ्या २ कारवर आदळून तो विरुद्ध दिशेला मुंबई पुणे मार्गावर जाऊन उलटला आहे. या विचित्र अपघातात तीन जण जागीच ठार (Death) झाले असून. ३ ते ४ जण गंभीर जखमी (injured) झाले आहे. हा अपघात आज सोमवारी सकाळी ११:३० वाजेच्या सुमारास झाला आहे. अपघातामुळे दोन्ही बाजूकडील वाहतूक काही काळासाठी विस्कळीत झाली आहे.
या अपघाताची माहिती मिळताच बोरघाट दस्तुरी महामार्गाचे सहाय्यक पोलीस निरीक्षक महेश चव्हाण हे सहकाऱ्यांबरोबर घटनास्थळी धाव घेत घटनेची पाहणी करत आहे. तसेच देवदूत आपत्कालीन पथक, आयआरबीचे कर्मचारी आणि खोपोली पोलीसही घटनास्थळी दाखल झाले आहेत. पोलिसांनी देवदूत आपत्कालीन पथक आणि आयआरबीच्या कर्मचाऱ्यांच्या मदतीने जखमींना तत्काळ जवळच्या रुग्णालयात उपचाराकरिता दाखल करण्यात आहे आहे. दुसरीकडे, यंत्रणेकडून अपघातग्रस्त दोन्ही कार बाजूला करण्यात आल्या आहेत.
सदर गॅस टॅंकर व दोन्ही कार या पुण्याहून मुंबईकडे जात होते. अपघातातील मृतांची नावे अद्याप समजू शकली नाही. या घटनेचा अधिक तपास खोपोली पोलीस करत आहे.
Web Ttile: Horrific accident when a gas tanker hit a car
