Breaking News | Ahmednagar: दुकानाला रात्री दहा वाजता शॉर्टसर्किटने आग लागली. वीजवाहक तारांचे शॉर्टसर्किट; साठ लाखांचे नुकसान.
कोल्हार खुर्द : राहुरी तालुक्यातील चिंचोली फाटा येथे वीजवाहक तारांच्या शॉर्टसर्किटने आग लागून किराणा दुकान जाळून खाक झाले. यामध्ये तब्बल साठ लाखांचे नुकसान झाल्याचा अंदाज वर्तविण्यात आला.
चिंचोली फाटा येथे चिंचोली- तांभेरे रस्त्याच्या कडेला असलेले सुवर्णा बापूसाहेब नलगे यांच्या मालकीचे चंद्रनाथ किराणा व जनरल स्टोअर्स आहे. सदर किराणा दुकानाला रात्री दहा वाजता शॉर्टसर्किटने आग लागली. रहिवाशांनी दुकान मालकाला सूचना दिली. त्यानंतर विखे पाटील कारखान्याचे अग्निशामक बंबा बोलावून आग विझविण्याचे प्रयत्ना केले. परंतु आग आटोक्यात येत नसल्याने देवळाली नगरपालिकेचे बंब बोलावण्यात आले. त्यानंतर एक ते दीड तासाने आग आटोक्यात आली. आगीवर नियंत्रण मिळविण्यासाठी दुकानाचे एक शटर जेसीबीने उचकटून काढावे लागले.
या दुर्घटनेचा पंचनामा करण्यात आला असून त्यानुसार आगीत जवळपास साठ लाखांचे नुकसान झाले असून त्या ठिकाणी असलेले दुधाचे पेमेंटसुद्धा जळून खाक झाल्याचे समजते.
Web Title: grocery store was gutted in the fire
See also: Latest Marathi News, Breaking News live, Education Study
