Home क्राईम संगमनेर: त्या ट्रकमधील ५ टन साहित्य गायब

संगमनेर: त्या ट्रकमधील ५ टन साहित्य गायब

November 13, 2023

Sangamner Crime: ३ लाख ६० हजार रुपये किमतीचे २, २.५ आणि ८ इंच असे एकूण पाच टन पाइप गायब केल्याची घटना.

संगमनेर : संगमनेर तालुक्यात फसवणुकीचा प्रकार समोर आला आहे. ट्रकमधून २१ टन लोखंडी साहित्य घेऊन जाणारा ट्रकचालक आणि ट्रक क्लीनर अशा दोघांनी मिळून नाशिक-पुणे महामार्गावर संगमनेर तालुक्यातील सायखिंडी फाटा येथे ट्रक सोडून देत पसार झाले. मात्र, ट्रक ज्यावेळी सायखिंडी फाटा येथे आढळला, त्यावेळी त्यात ५ टन पाइप कमी आढळून आले. या प्रकरणी दोघांविरुद्ध गुन्हा दाखल करण्यात आला आहे.

दोघे ट्रकमध्ये २१ टन लोखंडी साहित्य भरून घेऊन जात होते. या ट्रकमध्ये ३ लाख ६० हजार रुपये किमतीचे २, २.५ आणि ८ इंच असे एकूण पाच टन पाइप कमी होते.

याप्रकरणी धर्मेंद्र यादव (रा. मध्य प्रदेश) आणि संदीप यादव (ट्रक क्लीनर) अशी गुन्हा दाखल झालेल्या दोघांची नावे आहेत. त्यांच्याविरुद्ध गोविंद संजय माने (रा. कोटमगाव, ता. जि. नाशिक) यांनी दिलेल्या फिर्यादीवरून संगमनेर शहर पोलिस ठाण्यात गुन्हा दाखल करण्यात आला.

Web Title: Fraud 5 tons of material missing from the truck