ट्रक आणि कार भीषण अपघातात चार ठार
Breaking News | Latur Accident: ट्रक व कारच्या भीषण अपघातात कारमधील चार जण जागीच ठार झाल्याची घटना.
लातूर: उदगीर-निलंगा राज्यमार्गावरील देवणी तालुक्यातील धनेगावजवळ बुधवारी दुपारी १२.३० वाजण्याच्या सुमारास झालेल्या ट्रक व कारच्या भीषण अपघातात कारमधील चार जण जागीच ठार झाल्याची घटना घडली. सर्व मयत हे मध्य प्रदेशातील इंदोर येथील कापडाचे व्यापारी व सेल्समन होते.
मृतांमध्ये संजय जैन (माही क्रिएशन इंदोर), सचिन जैन (ड्रायव्हर), संजय जैन (माझा शर्ट), संतोष जैन (सेल्समन) यांचा समावेश आहे. घटनेची माहिती त्यांच्या निकटवर्तीयांना कळवण्यात आली आहे. त्यांचे नातलग येत असल्याची माहिती पोलिसांनी दिली.
बुधवारी दुपारी देवणी तालुक्यातील वलांडी येथून निलंग्याकडे निघालेली एक इर्टिगा कार (एमपी-०९-डीई-५२२७) व समोरून येणारा ट्रक (एमएच-२४-जे-७३६५) यांची समोरासमोर जोराची धडक झाली. या अपघातात कारमधील चौघांचे जागीच मृत्यू झाले. अपघात इतका भीषण होता की, कारचा चेंदामेंदा झाला. जेसीबीच्या सहाय्याने कार काढण्यात आली. यावेळी देवणी पोलीस ठाण्याचे सहाय्यक पोलीस निरीक्षक माणिकराव डोके व सहकाऱ्यांनी घटनास्थळी भेट देऊन या घटनेचा पंचनामा केला. मृतदेह वलांडी येथील प्राथमिक आरोग्य केंद्रात शवविच्छेदनासाठी पाठवण्यात आले.
मयतांची ओळख पटवण्याचे प्रयत्न पोलिसांकडून सुरू आहेत. घटनास्थळावर बघ्यांची खूप मोठी गर्दी झाली होती. यामुळे उदगीर-निलंगा राज्यमार्गावरील वाहतूक काही काळ ठप्प झाली होती. पोलिसांच्या सहकार्याने वाहतूक पुन्हा सुरळीत चालू झाली.
Web Title: Four killed in truck and car accident
See also: Latest Marathi News, Breaking News live, Education Study
