धक्कादायक! दोन गटात झालेल्या वादातून फटाक्याचे दुकान पेटवले

Breaking News | Ahilyanagar:  दोन गटात झालेल्या वादातून काही तरुणांनी फटाका स्टॉलला आग लावल्याची घटना.

श्रीरामपूर: दोन गटात झालेल्या वादातून काही तरुणांनी फटाका स्टॉलला आग लावल्याची घटना श्रीरामपूरमध्ये घडली आहे. यामध्ये सदर फटाका स्टॉल धारकाचे लाखाचे नुकसान झाल्याचे समजते.

दिवाळी सणानिमित्त श्रीरामपूर येथील थत्ते मैदानावर फटाक्याचे स्टॉल लावण्यात आले होते. पहाटेच्या सुमारास तरुणांच्या दोन गटांमध्ये फटाक्यावरून वाद झाले. या वादानंतर काही तरुणांनी गाळा नंबर २७ मधील चिंतामण फटाका स्टॉलला आग लावली.

या घटनेत सदर फटाका स्टॉल धारकाचे मोठे नुकसान झाले आहे. घटनेची माहिती मिळताच श्रीरामपूर शहर पोलिसांनी घटनास्थळी दाखल होत. पंचनामा केला होता मात्र याप्रकरणी उशिरापर्यंत गुन्हा दाखल करण्यात आला नव्हता.

Web Title: firecracker shop was set on fire due to an argument between two groups

See also: Latest Marathi News,  Breaking News live,  Education Study