भल्यापहाटे अग्नितांडव, प्रसिद्ध गॅरेजलला भीषण आग; १७ वाहने जळून खाक
Breaking News | Pune Fire: एका गॅरेजला शुक्रवारी (ता. १५) पहाटे ३ वाजेच्या सुमारास अचानक आग लागली. क्षणार्धात आगीचा भडका उडाल्याने संपूर्ण गॅरेजला आगीने विळखा घातला. यामध्ये १७ चार चाकी वाहने जळाली आहेत.
पुणे: पुणे शहरातील गंगाधाम परिसरात असलेल्या एका गॅरेजला शुक्रवारी (ता. १५) पहाटे ३ वाजेच्या सुमारास अचानक आग लागली. क्षणार्धात आगीचा भडका उडाल्याने संपूर्ण गॅरेजला आगीने विळखा घातला. आग लागल्याचं कळताच परिसरात आरडाओरड सुरू झाली. स्थानिकांनी या घटनेची माहिती अग्निशमन दलाला दिली.
आग लागल्याचं कळताच अग्निशमन दलाच्या जवानांनी तातडीने घटनास्थळी धाव घेतली. अथक प्रयत्नानंतर आग आटोक्यात आली. सुदैवाने या घटनेत कुठलीही जीवितहानी झाली नाही. मात्र, आगीत तब्बल १७ चारचाकी वाहने जळून खाक झाली आहे.
याशिवाय गॅरेजचे मोठे नुकसान झाले आहे. आग नेमकी कशामुळे लागली, याचे कारण अद्याप कळू शकलेलं नाही. याबाबत अधिक माहिती अशी की, , पुण्यातील गंगाधाम परिसरात आई माता मंदिराजवळ मोकळ्या जागेत एक प्रसिद्ध गॅरेज आहे. या गॅरेजमध्ये शहरातील अनेक वाहनाचालक तसेच मालक आपली वाहने दुरुस्तीसाठी आणतात. अशातच शुक्रवारी पहाटे तीन वाजेच्या सुमारास गॅरेजला अचानक आग लागली. आगीची माहिती मिळताच अग्निशमन दलाचे ४ बंब घटनास्थळी दाखल झाले.
अग्निशमन दलाच्या जवानांच्या अथक प्रयत्नानंतर आग आटोक्यात आली. सुदैवाने या आगीत कुठलीही जीवितहानी झाली नाही. मात्र, १७ वाहने जळून खाक झाल्याने लाखो रुपयांचे नुकसान झाले आहे. याशिवाय गॅरेजमधील मौल्यवान साहित्य देखील जळून खाक झाले आहे.
Web Title: Early morning fire, massive fire at famous garage
See also: Latest Marathi News, Breaking News live, Education Study
